I'ordaniyede nopusi 60 tin ashidighan bir jemet Uyghur yashawatqanliqi éniqlandi

Muxbirimiz shöhret hoshur
2015.07.29
iordaniye-uyghurlar-2015-1.jpg I'ordaniyediki bir jemet Uyghurlar
RFA


Bügün ijtima'iy uchur wastiliride i'ordaniyede 60 etrapida Uyghur yashaydighanliqi heqqide bir uchur tarqaldi, muxbirimizning buninggha asasen éniqlishi dawamida, i'ordaniyediki Uyghurlarning bir jemet kishiliri ikenliki, sanining 60tin ashidighanliqi, 1973 - yildin bashlap paytext ammanda yashawatqanliqi melum boldi. Nöwette pishshiq xish we mermer tash qatarliq qurulush matériyallirini ishlepchiqirish we sétish bilen shughulliniwatqan bu jemet, 1956 - yili yekendin pakistan'gha hijret qilghan Uyghur bay baliliridin merhum séyit abdullaxanning urugh - ewladliri iken.

Melum bolushiche, séyit abdullaxan 2006 - yili i'ordaniyede wapat bolghan, merhumning pakistanda tughulghan 7 perzenti we i'ordaniyede tughulülghan 40nechche newrisi nöwette Uyghur kimliki bilen we weten - sherqi türkistan hesriti bilen yashimaqta. Merhumning chong oghli - jemetning béshi séyit nadir ependi bügün muxbirimizning ziyaritini qobul qilip öz jemeti we ularning i'ordaniyediki hayati heqqide melumat berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.