Istanbuldiki yighinda minglighan kishi sherqiy türksitan üchün xizmet qilishqa wede berdi

Ixtiyariy muxbirimiz arslan
2015.02.17
turkiye-istanbul-untulghan-sherqiy-turkistan-yighin-abdulmetin-balqanoghli.jpg 2015 - Yili 2 - ayning 13 - küni istanbulda échilghan “Untulghan weten sherqiy türksitan” namdiki yighindin bir körünüsh
RFA/Arslan


Untulghan weten sherqiy türksitan dégen yighin'gha 1000 gha yéqin kishi qatnashqan bolup, yighin ehlining hemmisi sherqiy türksitan üchün xizmet qilishqa wede berdi.

2015 - Yili 2 - ayning 13 - küni istanbulning zeytinburnu medeniyet - sen'et yighin zalida “Untulghan weten sherqiy türksitan” dégen témida yighin ötküzüldi. Bu yighin sherqiy türkistan yashlar we hemkarliq jem'iyiti teripidin uyushturulghan bolup yighin'gha 1000 gha yéqin kishi qatnashti.

Istanbulda isma'il agha jama'iti dep tonulghan bir jem'iyet bolup, bular özlirini osmanlining warisliri dep qaraydu we pütün ijtima'i hayatta osmanli usulliri boyiche yashashqa tirishidu

Bu jama'ettin yétiship chiqqan abdulmetin balqanli'oghli dégen bir diniy alim bolup, bu alimning qatnishishi bilen ötküzülgen yighinda, aldi bilen qur'an kerim tilawet qilindi. Kéyin sherqiy türkistan yashlar we hemkarliq jem'iyitining bashliqi elixan ependi échilish nutiqi sözlep bu yighinning muwappeqiyetlik échilishigha tilekdashliq bildürdi.

Kéyin yawro - asiya türk jem'iyetler fédrasi'iyisining re'isi isma'il chin'giz söz qilip, Uyghurlar düch kéliwatqan qiyinchiliqlarni anglatti we xitay da'irilirining uzun zamandin buyan nopüs köchürüp yerleshturushi netijiside, sherqiy türkistan xelqining yer we makanliridin ayrilip qéliwatqanliqini, xitay da'irilirining ishqa orunlashturushni bahane qilip Uyghur yash oghul - qizlarni ichkirige mejburiy yötkep éghir bésim astida ishilitiwatqanliqini, islam dunyasi bolupmu türkiye musulmanlirining bu mesilige jiddiy köngül bölüshi kéreklikini tekitlidi.

Yighinda yene mujeddid fondining re'isi eli qara we meshhur diniy alim abdulmetin balqanli'oghli söz qildi.

Abdulmetin balqan'oghli sözide dunyadiki pütün zulumlarni sélishturghanda eng éghir zulumning sherqiy türkistanda yüz bériwatqanliqini ipadilidi we yighin ehlige bu yighin'gha qatnashqanliqigha minnetdar bolsimu, teshekkür éytmaydighanliqini, chünki ularning sherqiy türkistandiki qérindashlargha köngül bölüshi mejburiyiti we burchi ikenlikini, sherqiy türkistan yighinigha qatnashquchilarning öz burchlirini ada qilish üchün qatnashqanliqini bildürdi.

Abdulmetin balqan oghli buningdin kéyin sherqiy türksitan üchün xizmet qilishqa wede berdi, her zaman her yerde sherqiy türksitanni untup qalmaydighanliqini ipadilidi we pütün yighin ehlini ornidin turghuzup turup, bügündin bashlap pütün yighin ehlidin, buningdin kéyin sherqiy türksitan üchün xizmet qilishqa, sherqiy türkistanliqlarni qollashqa wede aldi.

Abdulmetin balqanli'oghli munberde söz qiliwatqanda uninggha sunulghan bir parche qisqa mektüpni oqup ötti, u mektüpta, xitay da'irilirining 2015 - yili 1 - aydin bashlap diniy ibadetlerge cheklime qoyghanliqi, imamlarni usul oynashqa zorlap musulmanlarni kemsitiwatqanliqi tekitlinip, 10 aydin buyan taylandta tutup turuliwatqan 390 Uyghur musapirning xitaygha qayturulush xewpidin qutulushi üchün du'a qilishni telep qilghan. Yighin ehli birlikte du'agha qol kötürüp Uyghur musulmanlarning qiyinchiliqtin qutulushi üchün du'a qildi.

Abdulmetin balqanli'oghli sözide untulghan sherqiy türkistan emes, untuldurulghan sherqiy türkistan ikenlikini we derdlik sherqiy türksitan dep ataydighanliqini ipadilidi.

3 Sa'et dawam qilghan bu yighin jeryanida sherqiy türksitandiki zulum we bésim iskenjiler anglitilghan höjjetlik filim körsitildi. Yighin zalining aldida sherqiy türksitandiki zulumni ipadiligen resim körgezmisi échildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.