Dölet mudapi'e ministiri jason kenny hösenjan jélil a'ilisige ramzanliq salam yollidi

Ixtiyariy muxbirimiz ruqiye
2015-06-24
Élxet
Pikir
Share
Print
"Diniy erkinlik we köp qatlamliq medeniyet" dégen témida iptarliq pa'aliyettin bir körünüsh
"Diniy erkinlik we köp qatlamliq medeniyet" dégen témida iptarliq pa'aliyettin bir körünüsh
RFA/Ruqiye


6 - Ayning 22 küni "Sherqiy türkistan medeniyet merkizi" "Bir dunya erkinlik teshkilati" bilen birliship kanada parlamént binasida"Diniy erkinlik we köp qatlamliq medeniyet" dégen témida iptarliq pa'aliyiti ötküzdi.

Kanada dölet mudapi'e ministiri jason kenny xizmitining intayin aldirash bolushigha qarimay iptar waqtigha ülgürüp kélip, bu qétimqi pa'aliyetke qatnashti we bu pa'aliyet munasiwiti bilen xitay teripidin muddetsiz késilgen hösenjan jélil a'ilisidin hal soridi.

U mundaq dédi:"Hösenjan jélil kanadagha panahliq tilep puqraliq alghan Uyghur idi. U pasportini élip 3 - 4 yildin kéyin özbékistan'gha barghinida xitay teripidin tutup kétilip muddetsiz késildi. Biz uni qutuldurush üchün üzlüksiz tirishiwatimiz we uning heq hoquqini küchlük qoghdaymiz. Uning ayali töt balisi bilen qaldi. Men ramzan munasiwiti bilen uning a'ilisige chongqur salam yollaymen."

Dölet mudapi'e ministiri jason kenny
Dölet mudapi'e ministiri jason kenny Photo: RFA

Ministir jason hösenjan jélil a'ilisige salam yollash bilen birge ramzan éyigha bolghan hörmitini bildürüp, rozi tutushning insanlarni rohiy we jismaniy jehettin chéniqturidighan intayin yaxshi bir adet ikenlikini, xristi'an bolush süpiti bilen xristi'anlarning peqet bezi tamaq turliridin özini tartip tutidighan rozisigha sélishturghanda téximu mukemmel we qattiq ikenlikini sözlep ötti.

U yene Uyghurlar gerche kanadada nahayiti kichik bir top bolsimu, ularning insaniy ghururi xitay teripidin depsende qiliniwatqachqa kanada hökümitining uyghularning heq - hoquq dewasigha hésdashliq qilidighanliqini we ularning diniy erkinlikini hörmet qilidighanliqini bildürdi.

Kanada hökümiti xitay bilen bolghan her qétimliq yuqiri qatlam körüshüshliride we xitay bilen bolghan soda munasiwetliride hösenjan mesilisini izchil otturigha qoyup kéliwatqan bolsimu, xitay hösenjan jélil mesilisini xelq'ara térrorizm bilen baghlap yalghan pakitlarni oydurup chiqirip kanadaning éghzini tuwaqlap kelmekte.

Ministir jason hösenjan jélil qolgha élin'ghanda bash ministirgha katipliq wezipisini ötewatqan bolup wezipisini ötewatqan bolup kéyin puqralar we köchmenler ministirlikige teyinlendi.

U hösenjan jélil mesilisi üchün izchil tirishchanliq körsitip kéliwatqan ministir. U hazir kanada dölet mudapi'e ministirliq wezipisini ötewatqanliqi üchün kanada puqralirining bixeterliki uning biwasite wezipiliridin biri bolup qaldi.

Sherqiy türkistan sürgün hökümitining muweqqet re'isi kanadada turushluq exmetjan osman uning hösenjan jélilning erkinliki üchün téximu köp küch chiqirishini telep qilip mundaq dédi:"Men kanada dölet mudapi'e ministiri jason kennyning hösenjan jélilning xitay türmisidin qutulup saq salamet erkinlikke chiqip qaytip kélishi üchün téximu küch chiqirishini ümid qilimen."

Toluq bet