Torontoda namayish: barin shéhitlirini hergiz unutmaymiz!
2014.04.06
Mushu ayning 5 - kuni kanadaning toronto shehiride yashawatqan bir qisim Uyghurlar barin weqesining 24 yilliqini xatirilep torontodiki xitay konsulxanisi aldida namayish ötküzdi.
Ene shu barin shehidlirini xatirlesh üchün élip bérilghan toronto shehiridiki bu namayish, Uyghur kanada jem'iyitining mu'awin re'isi adil abbas qatarliqlar teripidin uyushturulghan bolup, u bu qétimqi namayishning ehmiyiti toghrisida toxtilip mundaq dédi: “Barin shéhidlirini xatirlep namayish qilish intayin muhim ehmiyetke ige, chünki barin herikiti, Uyghurlarning 90 - yillarning deslipidiki sherqi türkistan musteqilliq herikitining bashlinishining belgisi..”
Namayishchilar: “Bizge musteqilliq kérek! sherqiy türkistan'gha démokratiye kérek, bizge erkinlik kérek, barin shéhidlirini hergiz unutmaymiz!” dégendek sho'arlarni towlap özlirining qattiq naraziliqini bildürdi.
Kanadagha yéngidin olturaqliship toronto shehride tunji qétim namayish qilish pursitige ige bolghan tahir ependim neq meydanda oz tesiratini bildürüp mundaq dédi: “Men bügün torontoda xitay konsulxanisi aldida xitay hökümitige qarshiliq bildürüp namayish qiliwatqanliqimdin intayin hayajanlandim. Lékin men toronto shehiride nahayiti kop Uyghurlar yashaydu dep anglighan idim, hemmeylenning bu namayishqa toluq qatnashmighanliqidin epsuslandim. Chet'ellerde biz ashu shéhidlirimizning jan pida qilghanliqi bedilige yashawatimiz, esli ular üchün toxtimay namayish qilishimiz, ularni hergizmu untup qalmasliqimiz, namayishlargha hemmimiz qatnishishimiz kérek idi.”
Namayish chüshtin kéyin sa'et 2 din 4 kiche dawamlashti.