D u q rehberliri malayshiyaning 28 neper Uyghurni xitaygha qayturup bergenlikige naraziliq bildürdi

Uyghur közetküchiliri malayshiya hökümiti xitaygha qayturup bergen 28 Uyghurning térror bilen alaqisi barliqidin gumanlanmaqta.

Amérika awazining 13-yanwardiki xewiride bayan qilinishiche, aldinqi küni béyjingda ziyarette bolghan malayshiya mu'awin bash ministiri zahid 2013-yilidin buyan malayshiyaning ottura sherqqe bérip islam döliti térrorluq sépige qoshulmaqchi bolghan 28 neper Uyghur térror gumandarini xitaygha qayturup bergenlikini ashkarilighan.

Xewerde tilgha élinishiche, zahid muxbirlargha qilghan sözide, xitaygha qayturulghan bu Uyghurlarning malayshiyadin türkiyege bérip, axirida türkiyedin iraq yaki süriyege kirip, islam döliti sépige qoshulmaqchi bolghanliqini tekitligen hemde ularni “Sherqiy türkistan islam herikiti” teshkilatining ezaliri, dep atighan.

Malayshiyada neshrdin chiqidighan “Yéngi qanal géziti” bu heqtiki bayanlirida zahidning sözidin misallar élip “Türkiye, süriye we iraqta xitay puqraliri bar. Ular bashqa döletler arqiliq malayshiyagha kirgen, andin bashqa döletlerning xelq'araliq resmiyetlirige tayinip türkiyening istanbul yaki enqere arqiliq süriye yaki iraqqa kirmekchi bolghan” dégen.

Xewerde eskertilishiche, malayshiyaning mu'awin bash ministiri zahidning öz nöwitide, ichkiy ishlar ministiriliq wezipisimu bolup, u sözide yene, xitaygha qayturulghan bu Uyghurlar malayshiyadin ayrilidighan chaghda malayshiya saqchiliri ularni qolgha élishtin ilgiri xitay terep bilen axbaratta ortaqlashqan. Xitay axbarat organliri malayshiya hökümitini bu gumandarlargha munasiwetlik fézilogiyilik uchurlar bilen teminligen. Xitay terep malayshiya hökümiti qayturup bergen bu Uyghurlarni tapshurup alghandin kéyin, malayshiya saqchi terepke rehmetlirini bildürgen. Biraq, bu Uyghurlarning kimliki, aqiwiti heqqide héchqandaq melumat yoq.

D u q mu'awin re'isi ömer qanat ependi bu xususta amérika awazi muxbirining ziyaritini qobul qilghanda, malayshiya hökümiti xitaygha qayturup bergen bu Uyghurlarning térror gumandari ikenlikige da'ir qolida héchqandaq delil-ispat yoqluqini, bu Uyghurlarning xitay zulmidin qéchip, türkiyede panahlinishni arzu qilghanliqini, türkiyedin bashqa islam we türk dunyasining Uyghurlar üchün bixeter emeslikini ilgiri sürgen.

D u q rehberliri malayshiya hökümitining 28 neper Uyghurni xitaygha qayturup bergenlikidin xewer tapqandin kéyin, özlirining naraziliqlirini bayan qilip ötti. D u q mu'awin re'isi ümid agahi, perhat muhemmidi we qurultay bash katipi dolqun eysa ependiler bu heqte ziyaritimizni qobul qilip, qarashlirini otturigha qoydi.

<http://www.voachinese.com/a/china-malaysia-20170112/3674604.html>