Monakoda ötküzülgen 98 xelq'ara teshkilatning yumulaq üstel yighinida Uyghurlar mesilisi anglitildi

Ixtiyariy muxbirimiz ekrm
2016-11-04
Share
monaco-dolqun-eysa-2016.jpg D u q bash katipi dolqun eysa ependi monakoda
RFA/Ekrem


11 - Ayning 3 - , 4 - künliri monakoda "Xelq'ara jemiyetler ittipaqi" namliq xelq'araliq teshkilat uyushturghan 98 teshkilattin 300 din artuq wekil qatnashqan chong yighin'gha Uyghur wekillirimu ishtirak qilip, Uyghurlarning weziyitidin doklat teqdim qildi.

Monakoda ötküzülgen "Xelq'ara teshkilatlarning yumulaq üstel söhbiti" yighinigha qatnishiwatqan d u q bash katipi dolqun eysa ependining bügün monakodin bergen melumatigha asaslan'ghanda, bash shitabi bélgiyening biryussél shehiride bolghan "Xelq'ara jem'iyetler ittipaqi" namliq xelq'araliq teshkilat monakoda uyushturghan bu qétimqi yumulaq üstel söhbet yighinigha dunyaning her qaysi jayliridiki 98 xelq'ara teshkilattin 300 din artuq wekil kélip qatnashqan. Yighinda siyasiy, ijtima'iy, iqtisadiy sahelerde mutexessis bolghan ilim ademliri türlük mezmunlarda doklatlar teqdim qilghan. D u q bash katipi dolqun eysa ependimu Uyghurlargha wekaliten yighin'gha qatniship, Uyghurlarning nöwettiki weziyiti heqqide melumatlar bergen.

Dolqun eysa ependining bildürüshiche, bu qétimqi yighinda köpligen xelq'araliq teshkilatlarning wekilliri bilen alaqe baghlash, söhbet qurush imkani bolghan. U sözide, bu qétimqi yighindin, teshkilatlarni iqtisadiy we teshkiliy jehettin küchlendürüsh toghrisida köp bilimge ige bolghanliqini ilgiri sürdi.

Monako dunyada watikandin qalsa eng kichik dölet hésablinidu. Omumi yer meydani 1.9 Kwadirat kilométir bolup, ahalisi 36 ming etrapida. Dolqun eysa ependi ziyaritimiz esnasida, bu kichik döletning tereqqiyati bilen Uyghur diyarini sélishturup, özide hasil bolghan tesiratlarnimu tilgha élip ötti.

Monakoda bu qétimqi yumulaq üstel yighinini uyushturghan "Xelq'ara jem'iyetler ittipaqi" namliq xelq'araliq teshkilat bolsa 1907 - yili qurulghan bolup, dolqun eysa ependi sözining axirida bu teshkilat heqqidimu qisqiche melumat bérip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.