"Mongghul, xitay démokratiye mesililiri muhakime yighini"da Uyghurlar mesilisi otturigha qoyuldi

Ixtiyariy muxbirimiz ekrem
2015-11-30
Share
germaniye-xitay-mungghul-demokratiye-muhakime.jpg "Mongghul, xitay démokratiye mesililiri muhakime yighini" din bir körünüsh
RFA/Ekrem


Gérmaniyening kölin shehiride"2 - Nöwetlik xelq'ara mongghul, xitay démokratiye mesililiri muhakime yighini"gha teklip bilen qatnashqan Uyghur wekilliri Uyghurlar mesilisini etrapliq otturigha qoyghan.

"2 - Nöwetlik xelq'ara mongghul, xitay démokratiye mesililiri muhakime yighini" 11 - ayning 27 - künidin 29 - künigiche gérmaniyening kölin shehiride üch kün dawamlashqan bolup, bu yighin'gha teklip bilen Uyghurlar we tibetliklerning wekillirimu qatnashqan. Uyghurlargha wekaliten bu yighin'gha ishtirak qilghan d u q ijra'iye komitéti re'isi dolqun eysa, qurultay bayanatchisi dilshat réshit we teshwiqat komitéti mes'uli eniwer ehmetlerning 29 - noyabir kölindin bergen melumatigha asaslan'ghanda, yighin'gha mongghul, démokratik xitay wekiliri, tibetlikler, Uyghurlar bolup köp sanda siyasiy pa'aliyetchiler we ziyaliylar, tetqiqatchilar qatnashqan.

Yighinda xitay we jenubiy mongghuliyining omumi weziyiti hem kishilik hoquq mesililiri muhakime qilinish bilen birge, Uyghurlar mesilisimu muhakime témisigha aylan'ghan. Dolqun eysa ependi bu xususta melumat bérip, muhakime témiliri mezmun da'irisining nahayiti keng bolghanliqini tilgha aldi. Uyghur ziyaliysi eniwer ependimu bu xildiki yighinlargha qatnishishning ehmiyitining zor bolidighanliqini hés qilghanliqini éytti.

"Mongghul, xitay démokratiye mesililiri muhakime yighini"gha qatnashqan Uyghur wekiller

Yighinda söz qilish pursitige érishken Uyghur wekilliri oxshimaydighan témilarda pikir bayan qilip, aldi bilen Uyghurlar mesilisige qarita xitay ziyaliyliridiki xata qarashlarni tüzitishning muhimliqini tekitligen. Bolupmu Uyghur ilidiki milliy qarshiliq heriketlirige nispeten xitay xelqining toghra tonushta emeslikini bayan qilghan dolqun eysa ependi, xitaylarning Uyghur ili weziyitini toghra tonushining zörürlükini, xitay ziyaliylirining kompartiyining saxta teshwiqatigha aldan'ghan xitay xelqini toghra chüshenche bilen teminlesh mejburiyiti barliqini otturigha qoyghan.

Uyghur ziyaliysi eniwer ependi, bundaq yighinlargha qatniship, xitay öktichi küchliridiki Uyghurlargha bolghan xata chüshenchilirige tüzitish bérishning zörürlükini eskertti we özining bu yighinda otturigha qoyghan témisi heqqide chüshenche berdi.

1 - Nöwetlik xelq'ara mongghul, xitay démokratiye mesililiri muhakime yighini" 2011 - yili gérmaniyening kölin shehiride ötküzülgen bolup, bu yighin'gha Uyghur wekillirimu qatniship Uyghur ilining omumiy weziyitidin melumatlar bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet