Сәркан денчтүрк: мустәқиллиқ һәрикәтлиримиз мәңгү тохтап қалмайду

Ихтиярий мухбиримиз арслан
2016-05-28
Share
turkiye-asarettiki-sherqiy-turkistan-yighini-002.jpg “асарәттики түрк ислам дөлити шәрқий түркистан” намлиқ йиғиндин бир көрүнүш
RFA/Arslan


23 - Май ечилған “асарәттики түрк ислам дөлити шәрқий түркистан” намлиқ йиғинда сөз қилған қазақ паалийәтчи сәркан денчтүрк әпәнди, мустәқиллиқ һәрикәтләр тоғрисида сөз қилип, шәрқий түркистан мустәқиллиқ һәрикәтлириниң адаққичә давам қилидиғанлиқини билдүрди.

Йиғинни мәркизи түркийәниң хоҗаели шәһиригә җайлашқан карамүрсәл йәсәви чүшәнчә, маарип, мәдәнийәт вә иҗтимаий һәмкарлиқ җәмийити уюштурған болуп, йиғинға қазақ түрклири тәлим - тәрбийә вә һәмкарлиқ җәмийитиниң рәиси сәркан динчтүрк әпәндимму тәклип билән қатнашқан иди.

Йиғинға карамүрсәл наһийә һакими әхмәт нариноғли, шәһәр башлиқи вәкили мәсут чәтинкая, наһийилик диний ишлар башқармисиниң муптиси йилмаз күчүк, сиясий партийиләрниң вәкиллири, үлкү оҗақлири вә аммиви тәшкилатларниң мәсуллириму киши қатнашти.

Ечилиш мурасимида карамүрсәл йәсәви чүшәнчә, маарип, мәдәнийәт вә иҗтимаий һәмкарлиқ җәмийитиниң рәиси әмраһ атәш әпәнди сөз қилип, миллий вә мәниви һес туйғу аңдин узақлишип кәткән бир дәврдә яшаватқанлиқини, актип хизмәт қилиш арқилиқ бу бошлуқни толдурушни халайдиғанлиқини, түрк дуняси вә ислам җоғрапийәсиниң қийинчилиқ мәсилилирини күнтәртипкә кәлтүрүш үчүн әйни дәврдә түрк миллитиниң қәлбигә өчмәс излар басқан әхмәт йәсәвийниң өгәткән тәлимлирини йетәкчи қилидиғанлиқини билдүрди.

Йиғинда сөз қилған қазақ түрклири тәлим - тәрбийә вә һәмкарлиқ җәмийитиниң рәиси сәркан денчтүрк хитайниң зулум вә бесимлирини аңлатти. Сәркан дечнтүрк әйни заманда өз аилисиниң қумулда бешиға кәлгән еғир паҗиәләрни аңлитип көз яшлирини туталмиди.

Сәркан денчтүрк әпәнди, мустәқиллиқ һәрикәтләр тоғрисида сөз қилип, шәрқий түркистанға қарши русийә вә хитайниң ортақ һәрикәт қилғанлиқини билдүрди вә нәсиллиримиз давам қилған муддәткичә мустәқиллиқ һәрикәтлиримиз тохтап қалмайду, деди.

Сәркан денчтүрк сөзидә йәнә хитай ишғали, қәтлиамлар, сүргүн вә көчмәнлик һаят тоғрисида тохталди.

Сәркан денчтүрк әпәнди сөзидә йәнә шәрқий түркистанда йүз бәргән мәсилиләрниң һәл қилиш чарилири үчүн хитай даирилири әмәлдарлирини диалог өткүзүшкә чақириқ қилди вә қирим мәсилиси тоғрисида русийәгә қарши мәйданда турушни тәвсийә қилди.

Йиғинға қатнашқучиларниң сани хели көп болуп шәрқий түркистан мәсилилирини пүтүн диққәт билән аңлиди вә бәзилири көз йеши қилди.

Сәркан дечнтүрк сөзидә йәнә, шәрқий түркистанниң дини вә миллий җәһәттә һәм түркийә һәм башқа мустәқил түрк җумһурийәтләрниң йеқиндин көңүл бөлүши керәкликини тәкитлиди вә мундақ деди: чүнки бүгүн шәрқий түркистанға һөкүмран болған сериқ хәвпниң асаси мәқсити йеқин кәлгүсидә себирийә вә қазақистан үстигә қуридиған нопус һакимийити билән дуня лидери болуш вә дуняға һөкүмранлиқ қилиш. Шәрқий түркистандики, райондики түркләрниң асаси арзу - ирадиси болса өз юртлирида өрп - адәт мәдәнийәтлири билән, етиқади билән дини вә миллий салаһийити билән инсандәк яшаш һоқуққа игә болуш вә әркинлик муһитниң бәрпа болушидур.”

Йиғин ахирида йиғин әһлиниң шәрқий түркистан мәислси тоғрисида сориған соаллириға җаваб бәрди. Бир кишиниң, түркийә шәрқий түркистан үчүн немә қилиши керәк дегән соалиға җаваб берип мундақ деди: “әгәр түркийә күчлүк болуп районда қанчилик тәсири даириси кеңәйсә бизниң толуқ мустәқиллиқимизни қолға кәлтүрүштә бизләргә әң чоң ярдәм қилидиғанлиқиға ишинимиз. юртимиздики қәтлиамларниң тохтитилишида әң чоң рол ойнайдиған ролчи түркийәдур” деди.

Әмрә атәш  әпәнди сәркан денчтүрк әпәндигә тәқдирнамә тәқдим қилмақта
Әмрә атәш әпәнди сәркан денчтүрк әпәндигә тәқдирнамә тәқдим қилмақта

Йиғин ахирида сәркән денчтүрк әпәндигә карамүрсәл йәсәви чүшәнчә вә тәлим тәрбийә, мәдәнийәт вә иҗтимаий һәмкарлиқ җәмийити рәиси әмраһ атәш әпәнди тәрипидин тәшәккүр билдүрүп тәқдирнамә тәқдим қилинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт