Норвегийәдики самилар парламентиниң рәиси уйғур вәкиллирини қобул қилди

Ихтиярий мухбиримиз әкрәм
2018-06-14
Share
sami-prezidenti-parlament-uyghur-wekil.jpg Самилар парламентиниң рәиси аили кескитало ханим вә ташқи ишлар хадими җон җентал(оңдин иккинчи) норвегийәдики уйғур сиясий актиплирини қобул қилди. 2018-Йили 13-июн, норвегийә, осло.
RFA/Ekrem

Норвегийәдики самилар парламентиниң рәиси уйғур вәкиллирини қобул қилди вә уларниң шәрипигә зияпәт бәрди.

Норвегийә уйғур комитетиниң тәшкиллиши билән 4 кишилик бир һәйәт 12-июндин башлап норвегийәниң шималидики йәрлик милләт самилар районида вә уларниң парламентида 3 күнлүк зияритини башлиған иди. 13-Июн күни самилар парламентиниң рәиси аили кескитало ханим уйғур вәкиллирини қобул қилип сөһбәт өткүзгән вә уйғур вәкиллириниң шәрипигә зияпәт бәргән.

Самилар райониниң мәркизи карасйоктин зияритимизни қобул қилған норвегийә уйғур комитетиниң рәиси бәхтияр өмәр әпәнди 13-июн күни самилар парламентида болуп өткән учришишлар һәққидә бизни бәзи мәлуматлар билән тәминлиди. Норвегийә уйғур комитетиниң мәсуллиридин хәлчәм мәмтимин ханим самилар парламентидики учришишлар җәрянида өзигә тәсир қилған бәзи амиллар һәққидә тохталди.

Самилар парламентидики мәхсус зиярәткә норвегийә уйғур комитетиниң рәһбәрлири билән биргә барған дуня уйғур қурултийи иҗраийә комитетиниң муавин рәиси сәмәт абла әпәндиму зияритимизни қобул қилип, узун заманлар миллий кәмситишләргә вә хорлуқларға учриған сами миллитиниң әркинлик йолида елип барған тинимсиз күрәшлириниң өзигә чонққур тәсир қилғанлиқини тилға алди.

Уйғур вәкиллири самилар парламентида йәнә "сами радийо-телевизийә қанили" ни зиярәт қилған. Самилар парламентиниң хадимлири кәчтә уйғур вәкиллириниң шәрипигә мәхсус зияпәт уюштуруп, парламент әзалириға уйғурлар мәсилисини кәң-кушадә аңлитиш пурсити яритип бәргән.

Норвегийә уйғур комитетиниң рәиси бәхтияр өмәр әпәнди пайтәхт ослодин 2000 километирдин көпрәк мусапини бесип келип бу йәрдә елип барған бир қатар паалийәтлириниң нәтиҗилик болғанлиқини әскәртти. Д у қ иҗраийә комитетиниң муавин рәиси сәмәт абла әпәндиму бу қетимқи зиярәткә юқири баһа бәрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт