Qeshqer sen'et ömiki pakistanning gilgit shehiride oyun qoydi

Pakistanning gilgit shehiride oyun qoyush üchün barghan qeshqer sen'et ömiki ezaliri. 2015-Yili 29-awghust, pakistan.

Pakistandiki Uyghurlarning inkasigha qarighanda, 29-awghust qeshqer wilayetlik sen'et ömiki pakistanning gilgit shehiride sen'et nomurlirini körsetken.

Qeshqer wilayetlik sen'et ömikining bu qétimqi gilgit shehiride Uyghur naxsha-usullirini orunlash murasimigha wilayetining bir qisim rehberlirimu birlikte hemrah bolup kelgen.

Gilgit shehiri pakistanning jenubidiki birdin-bir güzel sayahet merkezliridin biri bolup, ilgiri bu yerge Uyghur élining qeshqer, xoten, yeken qatarliq jayliridin köpligen Uyghurlar hijret qilip chiqip yerleshken. Gilgit shehiri, rawalpindi shehiridin qalsa Uyghurlar köp olturaqlashqan pakistandiki ikkinchi chong sheher hésablinidu. Bu yerdiki Uyghurlarmu rawalpindi shehiridiki Uyghurlargha oxshashla öz ana tilini, medeniyitini we weten söygüsini izchil saqlap kelmekte.

Biz gilgit shehiride körsitilgen Uyghur sen'et nomurlirining orunlishish ehwali heqqide toluq melumatqa érishish üchün hazir gilgit shehiride ziyarette boluwatqan pakistandiki musteqil Uyghur kishilik hoquq pa'aliyetchisi abduqéyum ependi bilen bu heqte téléfon söhbiti élip barduq.

Yuqiriqi awaz ulinishtin tepsilatini anglang.