Pakistan iqtisadshunasliri: “Xitay bizge ölgen béliqni bériwatidu, emma béliq tutushni ögetmeywatidu”

Ixtiyariy muxbirimiz haji qutluq qadiri
2015.09.10
kishilik-hoquq-paaliyetchi-abdulqeyum.JPG Pakistandiki Uyghur musteqil kishilik hoquq pa'aliyetchi abduqeyyum ependi gilgitiki xitay tash yol shirkiti teripidin yéngidin yasiliwatqan tash yolning tonil éghizida ziyarette. 2015-Yili 29-awghust.
RFA/Qutluq

Pakistandin chiqidighan ordu tilidiki nopuzluq metbu'atlardin biri bolghan “Pakistan ékspréss” gézitide ikki aydin buyan pakistan bilen xitay arisidiki türlük iqtisadiy hemkarliqlar heqqide bes munazire maqalliri élan qilin'ghan.

Mezkur gézitte dawamlishiwatqan ikki dölet arisidiki iqtisadiy hemkarliq, bolupmu tash yol qurulushi shundaqla iqtisadiy yardem sheklidiki xitay bankiliri pakistan'gha bériwatqan mebleghler heqqide pakistanliq iqtisadshunaslar özlirining qarashlirini bayan qilghan.

Pakistanliq iqtisadshunaslar bu heqtiki maqaliliride, xitayning pakistan'gha bériwatqan türlük qerz yardem pullirining aqiwette pakistan dölet xezinisige éghir xewp élip kélidighanliqini ilgiri sürgen.

Gézittiki bu heqtiki munaziride xitayning “Qeshqer karidori” istratégiyilik iqtisadiy pilanining pakistan shirketlirige héchqandaq iqtisadiy nep élip kelmey, pütünley xitayning paydisigha méngiwatqanliqini, pakistan hökümitining xitay shirketlirige barliq yol yasash qurulushlirini höddige bérishi pakistanning bu xildiki shirketlirini paralich haletke chüshürüp qoyghanliqini otturigha qoyghan.

Bir qisim mutexessisler ikki dölet arisidiki iqtisadiy hemkarliq munasiwetlirige baha bérip “Xitay ölgen béliqni aldimizgha tashlap bériwatidu, emma béliq tutush hünirini bizge ögetmeywatidu” dégen.

Biz pakistan metbu'atlirida bu heqte élip bériwatqan bes munaziriler heqqide toluq melumatqa érishish üchün pakistandiki musteqil Uyghur kishilik hoquq pa'aliyetchisi abduqéyum ependi bilen téléfon söhbiti élip barduq.

Yuqiriqi awaz ulinishtin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.