Парламент әзаси синан оған ташқи ишлар министиридин рабийә қадир ханимни сориди

Мухбиримиз әркин тарим
2013-11-22
Share
parlament-ezasi-sinan-oghan-305.png Парламент әзаси синан оған ташқи ишлар министиридин рабийә қадир ханимни сориди
Photo: RFA


Түркийә милләтчи һәрикәт партийәси парламент әзаси доктор синан оған әпәнди 22 - ноябир күни ташқи ишлар министирлиқиниң 2014 - йиллиқ атчотини музакирә қилиш йиғинида министир әхмәт давутоғлудин "уйғурларниң рәһбири рабийә қадир ханим билән ирандики түркләрниң лидири мәһмәт әли чәһриганлиниң түркийәгә келишигә қачан рухсәт қилисләр?" дәп сориди. Министир бу соалға җаваб бериштә қейин әһвалға чүшүп қалған.

Доктор синан оған әпәнди түркийә парламенти малийә ишлири комисйонидики йиғинда сөз қилип, "һөкүмитиңларниң түрк дөлитиниң ташқи сияситини қейин вәзийәткә чүшүрүп қойғиниңлар һәммимизгә мәлум. Бу һәқтә тохталмаймән. Мән төвәндики бир нәччә мәсилә тоғрисида тохталмақчимән. Түркийә дөлитигә һақарәт қилған, түркийәгә қарши болған кишиләрни, мәсилән сурийәдики күрт тәшкилати п й д ниң рәиси салиһ муслимға охшаш кишиләрни түркийәгә чақирип йолиға қизил геләм селип күтивалдиңлар. Түркийәгә виза елиш үчүн түркийәгә һақарәт қилиши керәкму? шәрқий түркистанлиқларниң рәһбири рабийә қадир ханим билән ирандики түркләрниң рәһбири мәһмәт әли чәһриганлиға немә үчүн виза бәрмәйсиләр?" дәп, ташқи ишлар министири әхмәт давутоғлуни қаттиқ тәнқид қилған.

Түркийә ташқи ишлар министири әхмәт давутоғлу парламент әзаси доктор синан оғанниң соалиға "худайим буйриса бир күн келиду" дәп җаваб бәргән.

Уйғур мәсилисиниң түркийә парламентидә давамлиқ һалда күнтәртипкә келишкә башлишини қандақ чүшинишимиз керәк? әхмәт давутоғлуниң "рабийә қадир ханим худа буйриса бир күн түркийәгә келиду" дегән җавабини қандақ чүшинишимиз керәк? дегән соалларға җаваб тепиш үчүн мутәхәссисләргә микрафонимизни узаттуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт