Mutexessisler ottura asiyadiki diniy esebiylik mesilisi heqqide toxtaldi

Yéqinqi yillardin buyan qazaqistan rehberliki, shundaqla memliketning qanun qoghdash organliri hemde mutexessisler qazaqistanda térrorluq we diniy esebiylikning yoqluqini jakarlighan bolsimu, amma memliketning jay - jaylirida yüz bergen qanliq waqelerdin kéyin bu mesilige bolghan köz qarash derru özgerdi.

Shu munasiwet bilen mushu yilning béshida qazaqistan prézidénti nursultan nazarbayéf hoquq qoghdash organlirining rehberliri bilen mejlis ötküzüp, diniy esebiylik we térrorchiliqqa qarshi turush dölet programmisini teyyarlashning waqti yetkenlikini bildürgen idi.

Bügünki künde qazaqistanning bezi rayonlirida diniy esebiylikning bara - bara aktiplashqanliqi qazaqistanliqlar arisida teshwish peyda qilmaqta. Diniy esebiylik we térrorchiliqning ereb elliri, rusiye yaki bolmisa qoshna memliketlerde emes, belki qazaqistanda yiltiz tartiwatqanliqi köpchilikni oylandurushi tebi'iy.

Bu diniy esebiylik dégen nime? yiltizi qeyerdin bashlinidu? esli meqsiti némidin ibaret? uning bilen qandaq kürishish lazim?

Radi'omiz ziyaritini qobul qilghan islam tarixi boyiche mutexessis, tarix penlirining doktori za'ur jelilof bu heqte öz qarashlirini otturigha qoydi.