Qazaqistandiki Uyghurlar bilen türkiyidiki Uyghurlarning munasiwetlirini kücheytish üchün qedem bésildi

Ixtiyariy muxbirimiz arslan
2013-02-22
Share
qazaqistan-turkiye-uyghur-305.png Qazaqistan birlik jemiyiti yashlar teshkilatining re'isi guzel xanim sherqiy türkistan ma'arip jemiyiti re'isi hidayetullah efendi bilen Uyghurlar toghrisida sohbette
RFA/Arslan

Yéqinda türkiyige ziyaretke kelgen qazaqistan Uyghur birlik jem'iyiti yashlar teshkilatining re'isi güzel xanim 2013 - yili 2 - ayning 20 - küni istanbuldiki sherqiy türksitan ma'arip we hemkarliq jem'iyitini ziyaret qilip jem'iyet mes'ulliri bilen uchrashti we Uyghurlargha alaqidar - xizmet pa'aliyetlerde hemkarlishish toghrisida söhbet élip bardi.

Uchrishishta aldi bilen hidayetullah oghuzxan sherqiy türkistan ma'arip we hemkarliq jem'iytining ghaye - meqsetliri we élip bériwatqan xizmet pa'aliyetliri we buningdin kéyinki ish - pilanliri toghirisda melumat berdi.

Hidayetullah oghuzxan yene weten ichidiki Uyghurlar we istanbulda yashawatqan Uyghurlarning ijtima'i hayati we hazirqi ehwali toghrisida sözlep ötti.

Güzel xanim, qazaqistandiki Uyghurlarning ijtima'i hayati we hazirqi weziyiti toghrisida melumat bergendin kéyin almatadiki birlik jem'iyti teshkilati yashlar bölümining xizmet - pa'aliyetlirini tonushturup ötti.

Ikki terep söhbetlishish netijiside, qazaqistandiki Uyghurlar bilen türkiyidiki Uyghurlarning öz - ara tonushush we munasiwitini kücheytish üchün köwrüklük roli oynash, axbarat saheside hemkarliship öz - ara uchur almashturush. Uyghur tili we medeniyitini saqlap qélish üchün ortaq xizmet ishlesh we yighin - pa'aliyetlerde pikir almashturush dégen'ge oxshash muhim ishlar üstide ortaq hemkarlishish qatarliq mesililerde birlikke keldi.

Biz bu heqte téximu köp melumatqa érishish üchün sherqiy türksitan ma'arip we hemkarliq jem'iyitining re'isi hidayetullah oghuzxan bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet