Hindistanda chaqirilghan xelq'araliq qelemkeshler yighinida "Jaza lagérliri mesilisi" otturigha qoyuldi

Ixtiyariy muxbirimiz erkin tarim
2018-09-25
Élxet
Pikir
Share
Print
Xelq'ara qelemkeshler Uyghur merkizining re'isi xemit hemrayéf(solda) bilen bash katipi eziz eysa ependiler xelq'araliq qelemkeshler yighinida "Jaza lagérliri mesilisi" ni otturigha qoydi. 2018-Yili 25-séntebir, hindistan.
Xelq'ara qelemkeshler Uyghur merkizining re'isi xemit hemrayéf(solda) bilen bash katipi eziz eysa ependiler xelq'araliq qelemkeshler yighinida "Jaza lagérliri mesilisi" ni otturigha qoydi. 2018-Yili 25-séntebir, hindistan.
RFA/Erkin Tarim

9-Ayning 25-küni xelq'araliq qelemkeshler merkizining omumiy yighini hindistanning jenubidiki pune shehiride resmiy bashlan'ghan bolup, yighinda türme we jaza lagérlirigha solan'ghan Uyghur ziyaliylirining mesilisimu otturigha qoyulghan.

Xelq'ara qelemkeshler merkizi 1929-yili qurulghan bolup, hindistanning pune shehiride ötküzülgen bu qétimliq yighin'gha xelq'ara qelemkeshler merkizige qarashliq 60 dölettiki qelemkeshler teshkilatining köpligen ezaliri qatnashti

Uyghurlargha wakaliten xelq'ara qelemkeshler Uyghur merkizining re'isi xemit hemrayéf bilen bash katipi eziz eysa qatarliq 2 neper kishi ishtirak qildi. Eziz eysa ependi yighin zalida turup téléfon ziyaritimizni qobul qilip bu heqte melumat berdi.

Bu yil hindistanning qurghuchi rehbiri gendining tughulghanliqigha del 150 yil bolghan bolup, bu munasiwet bilen xelq'ara qelemkeshler merkizining qurultiyi hindistanda chaqirilghan. Eziz eysa ependi bu qétimqi yighinning burunqilargha oxshimaydighan teripi heqqide toxtaldi.

Eziz eysa ependi xelq'ara qelemkeshler yighinida amérika qoshma shtatliri we yawropa döletliridin kelgen yazghuchilarning Uyghurlargha bolghan qiziqishining yuqiri ikenlikini bayan qildi.

Bu qétimqi xelq'araliq qelemkeshler omumiy yighinida komitétlar boyiche muzakire élip bérilghan bolup, eziz eysa ependining éytishiche muzakiride musteqil xitay qelemkeshler jem'iyiti, daniye we shiwétsiye qelemkeshler jem'iyiti, shundaqla Uyghur qelemkeshler jem'iyetliri Uyghur diyaridiki "Jaza lagérlirini" taqash telipini otturigha qoyghan.

Eziz eysa ependi yighin jeryanida noxtiliq halda Uyghurlarning hazirqi éghir weziyitini otturigha qoyushqa tirishidighanliqini bayan qildi.

Uyghur qelemkeshler merkizi re'isi xemit hemrayéf ependi bügün tinchliq komitéti bilen qelemkeshlerning heq- hoquqini qoghdash komitétida Uyghur yazghuchilarning mesilisining muzakirige qoyulghanliqini, yighin axirida bu heqte qarar maqullinidighanliqini bayan qildi.

Bu qétimqi yighin jeryanida 27-28- séntebir künliri irqiy kemsitishke qarshi turush témisida yene bir yighin bilen muxbirlarni kütüwélish yighini ötküzülidighan bolup, bu yighinlardimu Uyghurlarning hazirqi heddidin tashqiri éghir weziyiti otturigha qoyulidiken.

Toluq bet