Қәйсәригә орунлашқан уйғурлар өз шараитидин мәмнун болушти

Мухбиримиз әркин тарим
2015-01-08
Share
uyghurlar-musapirlar-orunlashqan-bina-turkiye-qeyseri.jpg Қәйсәригә орунлашқан уйғурларниң туралғу бинаси
RFA/Erkin Tarim


Өзлириниң хитайниң бесим сиясити сәвәбидин һәр хил йоллар билән түркийәгә кәлгәнликини билдүргән бир қисим уйғур муһаҗирлири түркийәниң қәйсәри шәһиридә өзлиригә вақитлиқ өй берилишидин наһайити мәмнун болғанлиқини тәкитлиди.

Қәйсәри шәһәрлик һөкүмәт малайшия арқилиқ түркийәгә кәлгән уйғурларға 150 квадрат метирлиқ , 4 еғизлиқ 100 йүрүш бина өй тәсис қилған иди. Түркийә дөлитиниң бу ярдими өз вәтинидә яшаш имкани қалмай чәтәлгә қечип чиқип, өйгә еришкән уйғурларни наһайити сөйүндүрди. Биз уларниң бу өйләргә орунлаштурулғандин кейинки һес - туйғулирини игиләш үчүн улар билән телефон сөһбити елип бардуқ.

Турсунҗан исимлик уйғур зияритимизни қобул қилип, түркийәгә кәлгәндин кейин түркийәниң өзигә 150 квадират метир кәңликидә өй бәргәнликини, балилирини оқушқа орунлаштурғанлиқини баян қилди.

Улар қийин йолларни бесип түркийәгә кәлгәндин кейин түркийәдә бундақ яхши муамилә көргәнликидин интайин хурсән болғанлиқини ейтти.

Әхмәтҗан әпәнди болса түркийәгә кәлгәндә өй - макансизлиқтин кочиларда ухлиғанлиқи, әмди қәйсәридә өйгә игә болғанлиқи, әмма йәнә нурғун уйғурниң истанбулда қийин әһвалда яшаватқанлиқини баян қилди. Униң ейтишичә, һәммә көчмән уйғурларниң техи мундақ өй - маканға еришмигәнликини билдүрди. У, һәр қайси дөләттики уйғур қериндашлирини түркийәдики мусапир уйғурларға ярдәм қолини узитишқа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт