Qirghizistanda “Ittipaq” ning 8 - qurultiyigha teyyarliqlar bashlandi

Ixtiyariy muxbirimiz azad
2015.04.17
6-nowatlik-ittipaq-merkizi-kengishi-ezaliri-2010-yil-awghust.jpg 2010 - Yili qirghizistandiki “Ittipaq” qurultiyining 6 - nöwetlik yighinigha qatnashqan ezalar
RFA/Azad


Qirghizistan Uyghurliri ittipaq jem'iyitining merkizi kéngishi yéqinda ittipaq jem'iyitining 8 - nöwetlik wekiller qurultiyini 19 - aprilda bishkek shehiride ötküzüsh heqqide qarar qobul qildi.

Ittipaq jem'iyiti 1989 - yili dikabirda bishkekte qurulghan bolup, sabiq sowét ittipaqi teweside yashaydighan Uyghurlar teripidin eng burun qurulghan shundaqla eng uzun waqit pa'aliyet élip barghan ammiwi teshkilatlarning biri bolup hésablinidu.

Ittipaq jem'iyitining nizamnamisige asasen, wekiller qurultiyi her tört yilda bir ötküzülüp, ittipaq re'isi, ittipaq merkizi kéngishi we teptish hey'iti yéngidin saylinidu.

Ittipaq jem'iyitining 7 - nöwetlik wekiller qurultiyi 2011 - yili aprélda ötküzülgen bolup, bashqa namzatlar bolmighan ehwalda artiq haji ittipaq re'isi bolup saylan'ghan idi.

Bu qétim gerche tört namzat özlirining saylam programmisini ilan qilghan bolsimu, namelum seweblerdin axirida yalghuz artiq hajidin ibaret birla namzat qaldi.

19 - Aprélda ötküzülidighan qurultaygha qatnishidighan wekillerning sani 630 neper bolup, bu wekiller yéngi bir nöwetlik ittipaq rehberlirini saylaydu.

1989 - Yili ittipaq jem'iyitini qurushqa qatnashqan pishqedemlerdin nazim qembiri radiyomiz ziyaritini qobul qilip, eyni chaghdiki ehwallarni tonushturdi hemde yéngidin saylinidighan ittipaq rehberliridin kütidighanliri heqqide toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.