Qirghizistanda sherqi türkistan jumhuriyetliri xatirilendi

Ixtiyariy muxbirimiz azat qasimi
2014-11-12
Élxet
Pikir
Share
Print
Sherqiy türkistan islam jumhuriyiti yighini. (Xongkongda xitayche neshr qilin'ghan "Sherqiy türkistan musteqilliq herikiti" namliq kitabtin élindi)
Sherqiy türkistan islam jumhuriyiti yighini. (Xongkongda xitayche neshr qilin'ghan "Sherqiy türkistan musteqilliq herikiti" namliq kitabtin élindi)
RFA/Qutluq


Sherqi türkistan islam jumhuriyitining 81 yilliqi we sherqi türkistan jumhuriyitining 70 yilliqi munasiwiti bilen qirghizistanning bishkek shehiride tentenilik xatirilesh pa'aliyiti ötküzüldi.

Pa'aliyetke bishkek shehiri we toqmaq, qara balta sheherliridiki hemde sheher etrapidiki rayonlarda yashighuchi Uyghur jama'itining wekilliridin 300din köprek kishi qatnashti.

Pa'aliyet qirghizistan jumhuriyiti we sherqi türkistanning dölet giminliri bilen bashlandi, arqidin sherqi türkistan jumhuriyetlirini qurush köreshliride qurban bolghan shéhitlerning rohigha atap qur'an tilawet qilindi.

Pa'aliyetke riyasetchilik qilghan dunya Uyghur qurultiyining qirghizistandiki wekili rozimuhemmet abdulbaqiyiw Uyghur milli herikitining rehbiri rabiye qadir xanim namidin qirghizistanda yashawatqan Uyghur xelqini sherqi türkistan jumhuriyetlirining bayram küni bilen tebrikleydighanliqini bildürüp, bu ulugh künni unutmasliqqa, yashlarni we kéyinki ewlatlarni sherqi türkistan rohi bilen terbiyelep küresh qilishqa chaqirdi.

Eyni dewirdiki sherqi türkistan jumhuriyitining ataqliq rehberliridin biri bolghan qasimjan qembirining oghli, qirghizistandiki péshqedem ziyali nazim qembiri sherqi türkistan jumhuriyetlirining meghlup bolushidiki sewebler heqqide toxtaldi.

Pa'aliyet axirida barliq yighin qatnashquchiliri sherqi türkistan jumhuriyitlirining bayrimi munasiwiti bilen teyyarlan'ghan üstelge teklip qilindi.

Xatirilesh pa'aliyitidin kéyin bu qétimqi pa'aliyet heqqidiki tesiratlirini bilish meqsitide biz qara balta shehridin kelgen Uyghur ziyaliysi tel'et baqigha mikrafonimizni uzattuq.

Toluq bet