Qirghizistandiki Uyghurlar noruz bayrimida tentene qildi

Yimek-ichmekler

Qirghizistanda noruz bayrimi munasiwiti bilen dölet buyiche sheher, yézilarda tentenilik pa'aliyetler ötti. Paytext hökümiti we qirghizistan xelqi assambiléyesi teripidin bishkek shehirining merkiziy meydanida tebriklesh pa'aliyetliri ötküzüldi. Shundaqla milliy ta'amlar körgezmiside, “Ittipaq” jem'iyiti ayallar kéngishi her xil Uyghur ta'amlirini teyyarlap ziyaretchilerge ikram qilishti, “Yultuz” usulchi qizlar topi nepis Uyghur usullirini orunlap bérishti.

Kengbulung yézisining Uyghur ayallar jama'iti bashchiliqidiki pütün yézidiki her millet xelqi, Uyghur jama'itining aktip ezasi nur'aminem isma'ilowaning öy, qorasida noruz merikisi ötküzdi. Ular, 20-mart küni etigendin bashlap xetme qur'an qilip, sümelek pishurushqa bashlidi. Sümelek noruzning deslepki bishariti bolghanliqidin, bu ta'am üchün bughdayni bir nechche kün burun ündürme qilish kérek. Sümelek bughdiyigha mes'ul bolghan tursun'ay kadiruwa bu heqte mundaq dédi: “Bughdayni yüyüp taziliduq, kün'ge yéyip qoruttuq, su quyup turghan iduq, andin, bughdayni ündürüp, un bilen ezduq, 1 kilo bughdaygha 3 kilo un qoshup, shuning bilen sümelekni bashliduq.”

21-Mart bayram küni yéza jama'iti tentenilik murasimni bashlidi, Uyghurche usul we naxshilar yangridi. Ana-hediler Uyghur xelq naxshilirini yangritip usulgha chüshiti.

Chonglar du'a qilip allahtin tinchliq we salametlik tilidi.

Kengbulung yézisida birinchi qétim ötküzülüwatqan bu pa'aliyettin memnun bolghan méhmanlar ayallar kéngishige razimenliklirini bayan qilshti hemde bayramdin kéyin jama'et küch chiqirip yétim-miskinlerge yardem qilidighanliqini bildürüshti.