Rabiye qadir xanim yaponiye döletlik négizlik mesililer tetqiqat merkizide doklat sözlidi

16 - Öktebir yaponiyede ziyarettte boluwatqan dunya Uyghur qurultiyining re'isi rabiye qadir xanim yaponiye döletlik négizlik mesililer tetqiqat merkizide doklat sözlidi.

Yaponiyediki nopuzluq istratégiye jem'iyetliridin - döletlik négizlik mesililer tetqiqat institutining qurghuchisi, tonulghan siyasiyon sakuray yoshiko xanimning orunlashturushi bilen rabiye qadir xanim nöwettiki Uyghur weziyiti heqqide etrapliq doklat berdi.

Doklat sözlesh pa'aliyitige yaponiye istratégiye mutexessisliridin on besh nepiri qatnashti. Mutexessislerning teklipi boyiche sorunda süretke élish we söhbetning bezi mezmunlirini axbarat wastiliride ochuq ashkarilash cheklendi.

Doklat sözlesh pa'aliyiti rabiye qadir xanimning doklatidin kéyin pütünley so'al we jawab shekilde élip bérildi.

Bu qétimqi pa'aliyetke rabiye qadir xanimgha hemrah bolup dunya Uyghur qurultiyining mu'awin re'isliridin séyt tümtürk, ömer qanat, yaponiyediki wekili turmuhemmet hashim we yaponiyediki bir qisim nopuzluq ziyaliylar qatnashti.

Biz doklat sözlesh pa'aliyitidin kéyin dunya Uyghur qurultiyining re'isi rabiye qadir xanim bilen doklatining ashkara mezmunliri heqqide söhbet élip barduq.

Yuqiriqi awaz ulinishidin tepsilatini anglang.