Serwet qabaqli istanbuldiki aliptékin parkini taqilip qélishtin qoghdap qalghan idi

Ixtiyariy muxbirimiz arslan
2015-09-04
Share
merhum-servet-kabakli.jpg Merhum serwet qabaqli ependi
RFA/Arslan


Yazghuchi serwet qabaqli eyni zamanda istanbulning merkizi we sayahet orni bolghan soltan exmet jam'ining yénigha jaylashqan eysa yüsüp aliptékin baghchisi we türkistan öyliri ashxanisini taqash üchün xitayning telep qilishi bilen tashqi ishlar ministirliqi teripidin bir guruppa saqchilar baghchigha kelgende yazghuchi serwet qabaqli ependi kökrek kirip otturigha chiqqan hemde qarshiliq körsitip baghchini taqashtin tosup qalghan we eysa yüsüp aliptékin baghchisi hazirghiche saqlinip qalghan.

Hemmimizge melum bolghandek, serwet qabaqli 29 - awghust shenbe küni alemdin ötti we 30 - awghust sultan exmet jami'ide jinazi namizi oqulghandin kéyin istanbul eyub qebristanliqida yerlikige qoyuldi.

Merhum serwet qabaqli ependining jinaza namizigha kelgen jama'et
Merhum serwet qabaqli ependining jinaza namizigha kelgen jama'et

Türk edebiyat wexpinng re'isi shundaqla yéngi chagh gézitining yazghuchi serwet qabaqlining jinaza namizigha edebiyatchilar, sen'etchiler, siyasiyonlar, parlamént ezaliri bolup köpligen kishi qatnashti.

Jinaza namizigha qatnashqan bir qisim muhim shexsler muxbirlarning ziyaritini qobul qilip serwet qabaqli toghrisidiki pikir - qarashlirini bayan qildi.

Biz bu toghrida téximu köp melumatqa érishish üchün merhumni yéqindin tonuydighan Uyghur yazghuchi proféssur sultan mehmut qeshqerlini ziyaret qilduq.

Sultan mehmut qeshqerli ependi, merhum serwet qabaqlining Uyghurlar toghrisda köpligen maqalilerni yézip élan qilghanliqini, eyni zamanda merhum eysa yüsüp alptékin bilen yéqindin xizmet qilghanliqni, eysa yüsüp aliptékinni köpligen dölet erbabliri bilen uchrashturghanliqini, eysa yüsüp aliptékinni yighinlargha élip bérip sherqiy türkistanni anglatqanliqini, bolupmu eyni zamanda, istanbul sheherlik hökümet teripidin sultan exmette tesis qilin'ghan eysa yüsüp aliptékin baghchisini, türkiye tashqi ishlar ministirliqi xitayning telep qilishi bilen taqashni qarar qilghanda qarshi turup kelgenlikini, baghchini taqash üchün saqchilar kelgende kökrek kirip meydan'gha chiqqanliqini we saqchilar bilen qarshiliship baghchini taqashqa roxset qilmay qoghdap qalghanliqini we muhim dölet erbabliri bilen sözlishish arqiliq baghchini taqash qararni bikar qilghanliqini we hazirghiche shu baghchini qoghdap baghchida türkistan ashxanisi échip kelgenlikini bildürdi.

Türkiye neshr axbarat idarisining bash mudiri mehmet atalay ependi mundaq dédi: "Serwet qabaqli köpligen muwappeqiyetlik ishlar qilghan bir yazghuchi idi, teshkilligüchi, edebiyatchi büyüklirimizdin birsi idi. Birlikte köp xizmet qilduq, durust, tirishchan, muwappeqiyet qazan'ghan bir insan idi. Allah meghpiret qilghay."

Istanbul sabiq waliyisi höseyin awni mutlu mundaq dédi: "Intayin qimmetlik bir insandin ayrilduq. Pütün hayati, weten, millet we türk medeniyiti üchün xizmet qilish bilen ötken qimmetlik bir insan idi. Türk edebiyat wexpining qimmetlik re'isi qabaqli a'ilisining qayghuluq künide turwatimiz. Janabi allah ornini jennette qilghay."

Türkiye sabiq parlamént ezasi lutfu türkqan mundaq dédi: "Ülküchi éqimdikiler bügün heqiqeten semimiy, mutepekkür bir insandin ayrildi. Türkiyide exmet qabaqlidin kéyin uning bayriqini heqiqiy menada kötürgen yaxshi bir yazghuchi zhurnalist idi. Yaxshi bir musulman türk mutepekkür bügün allahning dergahigha ketti. Janabiy allah rehim - shepqet we meghpiret qilghay."

Sha'ir yazghuchi yawuz bulent ependi merhum serwet qabaqli toghrisidiki köz - qarashlirini ipadilep mundaq dédi: "U elazighli bir qérindishimiz idi. U men tonuydighan pütün élazighliqlarning köngül töridin orun alghan bir insan idi. Serwet qabaqli, millitimizni, dölitimizni ashiqqa oxshash yaxshi körgen bir insan idi. Élazighliq bolush munasiwiti bilen türkiye sirtida yashaydighan qandash qérindashlirimizgha yéqindin köngül bölgen biri idi. Peqet türkiye türklirini emes, belki pütün dunya türklirini oylaydighan bir insan idi. Nahayiti qayghu ichide türiwatimen.Janabi allah a'ilsige weyéqinlirigha sebir bergey."

Serwet qabaqli, zhurnalistliq hayatini bashlighandin tartip eysa yüsüp aliptékinning tesiri bilen sherqiy türksitan mesilisi toghrisida köpligen ilmiy maqaliler yézip gézitlerde élan qilghan. U terjiman, türkiye géziti we eng axirida yéngichagh gézitide köpligen maqale yézip élan qilghan Uyghurlarning dosti bir yazghuchi idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet