Se'udi erebistan parlaménti heptining axiridiki dem élish künlirini özgertish mesiliside talash - tartish qilmaqta

Ixtiyariy muxbirimiz ömerjan
2013-04-25
Share
seudi-erebistan-parlament-ezaliri-305.png Se'udi erebistan parlamént ezaliri 2013-yili 25 -april.
RFA/Omerjan

Melumki, se'udi erebistan döliti tesis qilin'ghan künidin biri hökümet organliridiki barliq ishchi, xizmetchilerning heptining axiridiki dem élish künliri peyshenbe bilen jüme ikki kün bolup dawam qilip kelmekte.

Bu künlerde se'udi erebistanining teshwiqat wasitiliri bu mawzu bilen köp meshghul bolmaqta, gézit xewerliri, téléwiziye söhbetliri we radi'o anglitishlirida, se'udi erebisstan parlaméntining bu heqtiki talash - tartishlirigha nahayiti köp yer bérilgen bolup, her küni dégüdek bu mawzula sözlenmekte.

Tehlilchilerge köre, bu tereptin se'udi erebistan memlikiti dunyadiki bashqa döletlerge qet'iy oxshimaydighan, özige xas mexsus özgichiliki bar, islamiy en'enilerge köre ish köridighan yégane memlikettur. Bu memliketning bayriqida orun alghan"La'ilahe illellahu muhemmedun resulullah"dégen shahadet kelimisi bu döletning sho'ari, pexri, unwani we hayattiki her nersisidur. Dunyada bayriqida shahadet kelimisi bolghan we bayriqi héchqan bir munasiwetlerde chüshürülmeydighan birla memliket se'udi erebistanidur. Chünki shahadet kelimisi her zaman üstün qiliniduki, hergiz chüshülmeydu. Shuninggha egiship se'udi erebistanidiki qanun - tüzümler islamche bolup kelgen. Heptining axiridiki dem élish waqitlirimu shenbe künidiki yehudiylarning dem élish künige yaki yekshenbe künidiki xiristiyanlarning dem élish künige oxshap qalmisun we musulmanlarning özgiche dem élish küni bolsun dégen qarash bilen se'udi erebistanida heptining axiridiki dem élish künliri peyshenbe bilen jüme künlirige belgilen'gen iken.

Se'udi erebistadinda chiqidighan"El medine"gézitining 2013 - yili25 - april künidiki sanida, élan qilin'ghan"Parlaméntning qarari qachan élan qilinidu"dégen témidiki maqalida éytilishiche, hazir se'udi erebistan parlaméntida, si'asetchiler bilen diniy ölimalar otturisida qattiq talash - tartish boliwatidiken. Siyasetchilerge köre, heptining axiridiki dem élish künliri peyshenbe bilen jüme ikki kün bolup dawam qiliwerse, se'udi erebistan shirketlirining bashqa döletler bilen bolghan soda ishlirida töt künlük waqitni ziyan tartidiken. Bu bashqa döletlerning dem élish künliri bilen se'udi erebistanining dem élish künlirining birdek bolmighanliqidin iken. Chünki heptide peyshenbe we jüme ikki kün se'udi erebisstanidiki shirketler ishlimigen, shenbe we yekshenbe künliri bashqa döletlerdiki shirketler ishlimigen, shundaq bolup, heptide töt kün ziyan chiqidiken. Shunga pütün dunyadiki hepte axiri dem élish künliri bilen muwapiqlashqan halda, se'udi erebistanidiki hepte axiri dem élish mkünlirini jüme we shenbe künlirige özgertish zörür iken.

Emma se'udi erebistanidiki diniy ölimalargha köre, heptining axiridiki dem élish künlirini peyshenbidin shenbige özgertiwétish diniy jehettin yaxshi emes. Chünki shenbe küni yehudiylarning dem élish mkünliri bolup, musulmanlar bashqilargha özlirini oxshitiwalmasliqqa we bashqilarni ilim - hékmettin bashqa ishlarda dorimasliqqa buyrulghan. Nawada, peyshenbilik dem élish künini shenbige özgertiwetkende, musulmanlar özlirining özgichilikini saqlimighan bolidu.

Némila bolmisun, se'udi erebistan parlaménti bu mesile üstide höküm chiqiralmaydu, peqet parlamént ezalirining pikir - qarashlirini hökümetke eyne yetküzidu. Andin hökümet özi munasip qararni alidu we élan qilidu.

Shunimu unutmasliq kérekki, se'udi erebistan parlaméntidiki 30 ayal, 120 er, jemi 150 parlamént ezasidin köp sanliqning ittipaqi elwette hökümetning qarar chiqirish ishida muhim rol oynaydu."

Yene se'udi erebistanida chiqidighan"El weten"gézitining shu künidiki sanida, "Hökümet parlamént ezalirining pikir - qarashlirigha hörmet qilidu"dégen témida élan qilin'ghan bir maqalide mundaq dep yézilghan:"Se'udi erebistan parlaméntining heptining axiridiki dem élish künlirini özgertish teklipini qobul qilip, bu mesile üstide diniy, iqtisadi we ijtima'iy jehetlerdin söhbetlerni ötküzüshke muwapiq kelgenliki chong bir ijabiyliqtur. Chünki mundin ilgirimu mushundaq pikirler otturigha qoyulghan u pikirler ret qilinip kelgen. Jüme küni musulmanlarning dem élish küni bolup dawam qiliwéridu. Bu heqte héchkim tartishmaydu. Peqet peyshenbini shenbige özgertish pikri otturigha qoyulmaqta. Mundin azraq waqit ilgiri oman padishahliqimu peyshenbe künlük dem élishni shenbige özgertken, yene ereb qoltuqi döletliridimu ehwal shundaq. Muhimi parlaméntning ittipaqidur. Ular qaysi mesilige ittipaqlashsa, hökümet uni qarar qilidu."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet