Se'udi erebistan radi'osi türkistan bölümi Uyghurche tor béti ayfon we aypetke baghlandi

Se'udi erebistan radi'osi qarmiqidiki türkistan bölümi mushu bir ay ichide köpligen yéngiliqlarni bashtin kechürdi.
Ixtiyariy muxbirimiz ömerjan
2013-03-20
Share
turkistan-bolumi-torbeti.jpg Se'udi erebistan radi'osi türkistan bölümi Uyghurche tor béti.
www.sjrt.org/

Se'udi erebistan radi'osi qarmiqidiki türkistan bölümi mushu bir ay ichide köpligen yéngiliqlarni bashtin kechürdi.

Se'udi erebistan radi'osi qarmiqidiki türkistan bölümining Uyghurche anglitishi 1982-yili tunji qétim yolgha qoyulghan bolup, 30 yildin köprek waqittin biri zamanning tereqqiyatigha maslashqan halda dawam qilip kelmekte.

Yéqinda türkistan bölümi jidde radi'osi üchün mexsus sélin'ghan binadin anglitish bashlidi, kona üsküniler bilen xoshliship, zaman'gha layiq yéngi üsküniler bilen ish bashlidi, türkistan bölümining tor béti yéngilinip ayfon we aypetlerde chiqidighan boldi.

Sirajiddin ezizi bilen söhbet

Se'udi erebistan radi'osi terkibidiki türkistan bölümining eng péshqedem diktorliridin biri bolghan wetenperwer ustaz sirajiddin ezizi türkistan bölümi heqqidiki söhbitimizni qobul qilghan idi. Qedirlik radi'o anglighuchilar töwende sirajiddin ezizi bilen élip barghan söhbitimizni diqqitinglargha sunimiz.

Sirajiddin ezizi türkistan bölümini tepsiliy tonushturghandin kéyin, mushu bir ay ichide türkistan bölümi bashtin kechürgen yéngiliqlar we tereqqiyatlar heqqide melumat berdi.

Sirajiddin ezizining bildürüshiche, bir qanche yildin biri se'udi erebistan radi'osining türkistan bölümide anglighuchilarni qiziqturush meqsitide ayliq ilmiy musabiqe yolgha qoyulghan bolup, her ayda musabiqide utup chiqqan ikki kishige 500riyaldin jem'iy 1000riyal mukapat puli ewetip bérilidu. Ilmiy musabiqe so'alliri her ayning béshida türkistan bölümining tor bétide élan qilinidu, musabiqige qatnashquchilar jawabliriniwww.sjrtmusabiqe@gmail.com <http://www.sjrtmusabiqe@gmail.com>  Dégen élxet adrésqa ewetip béridu. Musabiqide utup chiqqanlar yene torda élan qilinidu.

Türkistan bölümining tor adrési www.sjrt.org <http://www.sjrt.org> Dur. Türkistan bölümining anglitishini qisqa dolqun 31 métir 9885 kilugrétista anglashqa bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet