“Dunya sherqiy türkistanliqlar qérindashliq uchrishishi” ning teyyarliqi dawam qiliwatidu

Ixtiyariy muxbirimiz arslan
2015-08-14
Share
turkiye-uyghur-qerindashliq-uchrishish-2015.jpg 7-Nöwetlik “Dunya sherqiy türkistanliqlar qérindashliq uchrishishi” din bir körünüsh
RFA/Arslan


11 - Awghust merkizi istanbulgha jaylashqan sherqiy türkistan ma'arip we hemkarliq jem'iyitining idare hey'et rehberliri, shöbe we bölüm mes'ullirining qatnishishi bilen bir meslihet yighini ötküzüldi.

Yighinda asasliqi her yili bir qétim ötküzülüp kéliwatqan dunya sherqiy türkistanliqlar qérindashliq uchrishish yighinining teyyarliq jeryani, xizmet teqsimati, yighinning meqsiti, asasiy mezmunliri toghrisida muzakire qilindi we bir türküm qararlar élindi. Netijide 7 - nöwetlik dunya sherqiy türkistanliqlar qérindashliq uchrishish yighinining bu yil 8 - ayning 20 - künidin 22 - künigiche istanbulda ötküzülidighanliqi qayta tekitlendi.

Sherqiy türkistan ma'arip we hemkarliq jem'iyitining re'isi hidayetullah oghuzxanning bildürüshiche, bu qétimqi qérindashliq uchrishish yighin'gha “Xelq'aralashqan sherqiy türkistan mesilisi we ammiwi teshkilatlarning istratégiyesi”, dégen nam bérilgen bolup, bu yighinda, “Sherqiy türkistanning nöwettiki weziyiti we islami pikir teshnaliqi”, “Sherqiy türkistan mesilisining xelq'aradiki orni”, “Xelq'araliq teshkilatlarning sherqiy türkistan mesilisige qaratqan pozitsiyesi”, “Sherqiy türkistan teshkilatlarning yéngi weziyetke qaratqan xizmetliri we istratégiyesi”, “Sherqiy türkistan dewasi yolidiki duch kéliwatqan qiyinchiliqlar we hel qilish chariliri”, dégen'ge oxshash besh türlük téma asasiy mezmun qilin'ghan.

Yighinda, yuqirida tilgha élin'ghan témilar boyiche ilmiy maqale teqdim qilinidiken, pikir bayan qilip muzakire élip bérilidiken.

Bu yighinda otturigha qoyulidighan mezmunlar, yighinning ötken yilidikidin perqlinidighan jayliri, meqsiti shundaqla ehmiyiti toghrisida melumat élish üchün yighinni uyushturuwatqan sherqiy türkistan ma'arip we hemkarliq jem'iyitining re'isi hidayetullah oghuzxan bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet