‏Шиветсийәдики уйғурлар түрк тәшкилатлириниң намайишиға қатнашти

Ихтиярий мухбиримиз еһсан
2016-08-02
Share
shiwetsiye-uyghur-turk-namayish.jpg ‏Шиветсийәдики уйғурлар түрк тәшкилатлириниң намайишиға қатнашти. 2016-Йили 31-июл.
RFA/Éhsan

15-Июл күни түркийә армийәси ичидики бир очум қомандан вә һәрбий түркийә һөкүмитигә қарши һәрбий өзгириш елип берип, 250 дин артуқ сақчи вә пуқраларниң өлүшигә сәвәб болған иди.

Бу мунасивәт билән шиветсийәдә яшаватқан уйғурлар түрк тәшкилатлири билән бирликтә 31-июл күни шиветсийәниң пайтәхти ситокһолмда турушлуқ түрк әлчиханиси алдида гүлән җамаитиниң террорлуқ һәрикәтлиригә қарши наразилиқ намайиш өткүзди.

Мәзкур намайишқа шиветсийәдики түркләрдин башқа, ирақ түркмәнлири билән шәрқий түркистанлиқ уйғурларму қатнашти.

Намайиш 15-июл әскири исянда һаятидин айрилған 250 нәпәр кишиниң роһиға атап қуран тилавәт қилиш вә истиқлал марши оқуш билән башланди.

Кейин түркийәниң ситокһолмда турушлуқ баш әлчиси кая түркмән сөзгә чиқип, мәзкур намайишқа қатнашқан, йеқиндин қоллап қуввәтлигән вәтәндашлар вә қериндашларниң 15-июлда фәтһуллаһ гүлән тәшкилатиниң террорлуқ һәрикәтлиригә қарши бирлик сәп болуп намайишқа қатнашқанлардин шәрәп һес қилидиғанлиқини билдүрүп мундақ деди: “әгәр һәрбий-сиясий өзгириш ғәлибә қилған болса, һазирқи әһвалимизниң қандақ болидиғанлиқини ойлашниму халимаймән. Бәлки бу, баланиң яхши тәрипи рәңги, етник келип чиқишиниң қандақ болушидин қәтийнәзәр, 78 милйон түрк хәлқни бир-биригә йеқинлаштурди. Буниң давамлишишини халаймиз...” деди.

Шиветсийә уйғур маарип уюшмисиниң мәсуллиридин абдулла көкяр әпәнди радийомиз мухбириниң зияритини қобул қилип: “15-июл кәчтә түркийәдә йүз бәргән қанлиқ һәрбий-сиясий өзгириш қозғашқа урунуш қилмишидин хәвәр тепип, шу вақитниң өзидила дәрһал түркийәниң шиветсийәдики әлчиханисиниң алдиға келип, түрк хәлқи билән бир сәптә икәнликимизни намаян қилғанидуқ. Лекин, фәтһуллаһчи террорлуқ гуруһиниң зораван һәрикитигә болған наразилиқимиз буниңлиқ билән бесиқмиди. Шуниң билән, шиветсийәдики хәлқ пидаийлири вәкили гүлхан ханим билән уюшмимиз һәмкарлишип, 31-июл чүштин кейин 5 йеримдин 10 ғичә болған арилиқта ситокһолмдики әлчиханиниң алдида намайиш орунлаштурдуқ” деди.

Намайишқа түрк җамаәт әрбаблири, уйғурлар вә түркмәнләрдин болуп көп санда адәм қатнашти.

Уйғур маарип уюшмисиниң рәиси абдулла көкяр әпәнди шиветсийәдики барлиқ уйғурларға вакалитән түркийә хәлқи тәрипини елип, уларниң бешиға кәлгән еғир мусибәт күндә йенида болалиғинидин мәмнун болғанлиқини аңлатти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт