Токйода уйғур он икки муқами һәққидә мәхсус доклат сөзләш муһакимә йиғини өткүзүлмәкчи

Дуня уйғур қурултийиң муавин рәиси илһам маһмутниң билдүрүшичә, 27 - ноябир кәчтә токйода уйғур он икки муқами һәққидә мәхсус доклат сөзләш муһакимә йиғини өткүзүлидикән.

Бу қетимқи муһакимә йиғинида уйғур он икки муқам текистлирини уйғур тилидин япон тилиға тәрҗимә қилған реико һагита ханим уйғур муқамлири һәққидә мәхсус доклат сөзләйдикән.

Реико һагита ханим 1983 - йили токйо чәтәл тили университетини тамамлиған, 1988 - йилидин 1989 - йилиғичә пакистандики карачи университетида, 1994 - йилидин 1995 - йилиғичә үрүмчидики уйғур ели университетида билим ашурған.

У тәрҗимә қилған “уйғур он икки муқами” намлиқ китаб йеқинда японийә шукуоша нәшрияти тәрипидин нәшр қилинип кәң оқурмәнләрниң қизғин алқишиға еришкән.

Биз бу мунасивәт билән “уйғур он икки муқами” намлиқ китабниң нәшр қилиниш әһвали вә бу нөвәтлик муқам муһакимә йиғини һәққидә дуня уйғур қурултийиниң муавин рәиси илһам маһмут билән телефон сөһбити елип бардуқ.

Юқириқи аваз улинишидин тәпсилатини аңлаң.