Türkler enqerediki xitay elchixanisi aldida iptar tamiqi yep xitaygha naraziliq bildürdi

Türkiyediki eng chong ammiwi teshkilatlardin biri bolghan mezlumlar hemkarliq jemiyiti 6 - ayning 26 - küni xitayning enqerede turushluq elchixanisi aldida iptar tamiqi yep, namayish qilip xitayning Uyghurlargha élip bériwatqan diniy bésim siyasitige naraziliq bildürdi.

“Mezlum - der” yeni “Mezlumlar hemkarliq teshkilati”uyushturghan bu namayishqa teshkilat re'isi, sabiq parlamént ezasi exmet faruq ünsal ependi, enqere shöbe bashliqi abdurraxman ünlü ependi we teshkilat ezaliridin bolup 300 etrapida kishi qatnashti. Pa'aliyet qolida kökbayraq bilen her xil lozunkilarni kötüriwalghan namayishchilar “Uyghurlargha erkinlik, Uyghurlarning étiqat erkinliki bérilsun” dégendek shu'arlarni towlash bilen bashlandi. Arqidin mezlumlar teshkilatining re'isi, sabiq parlamént ezasi exmet faruq ünsal ependi muxbirlargha bayanat berdi. U, bayanatida xitayning Uyghur musulmanlirigha ramizan éyida élip bériwatqan diniy bésim siyasitini eyelash, türkiye jama'etchilikining shundaqla türk hökümitining diqqitini tartish üchün bu namayishni uyushturghanliqini tekitlidi. U, bayanatining axirida türk dölitini, shundaqla pütün dunya döletlirini mezlum bichare musulman Uyghurlargha yardem qilishqa chaqirdi.

Arqidin 300 etrapida kishi xitay elchixanisi aldida iptar tamiqi yédi.

Bu pa'aliyet ötken yilimu ötküzülgen idi, bu yil kelgen kishilerning köplüki diqqitimizni tartti.