Түркийәниң һәрқайси җайлирида қәшқәрдә өлтүрүлгән 18 уйғурниң узақтин җиназа намизи чүшүрүлди

Мухбиримиз әркин тарим
2015-06-26
Елхәт
Пикир
Share
Принт
Түркийәдә қәшқәрдә өлтүрүлгән 18 уйғурниң узақтин җиназа намизи чүшүрүлмәктә
Түркийәдә қәшқәрдә өлтүрүлгән 18 уйғурниң узақтин җиназа намизи чүшүрүлмәктә
RFA/Erkin Tarim


6 - Айниң 22 - күни қәшқәрдә йүз бәргән вәқәдә 18 уйғурниң етип өлтүрүлгәнлик хәвири тарқитилғандин кейин түркийәдики һәрқайси аммиви тәшкилатлар арқа - арқидин баянат елан қилип, хитайниң бу хил сотлимайла нәқ мәйданда өлтүрүш сияситини қаттиқ әйиблиди.

Түркийәдики әң чоң аммиви тәшкилатлардин бири болған «үлкү оҗақлири мәдәнийәт вә маарип вәхпи» башлиқи олҗай килавуз әпәнди бүгүн баянат елан қилип, хитайниң 18 уйғурни сотқа чиқармайла етип өлтүрүвәткәнликини қаттиқ әйиблиди вә бүгүн җүмә намизидин кейин түркийәниң һәрқайси вилайәтлиридики шөбә тәшкилатлириниң уюштуруши билән җамиләрдә хитай сақчилири қәшқәрдики вәқәдә етип өлтүрүвәткән 18 уйғурниң узақтин намизи чүшүрүлди.

Истанбулда қәшқәрдә өлтүрүлгән 18 уйғурниң узақтин җиназа намизи чүшүрүлмәктә
Истанбулда қәшқәрдә өлтүрүлгән 18 уйғурниң узақтин җиназа намизи чүшүрүлмәктә Photo: RFA

«Үлку оҗақлири» рәиси олҗай килавуз әпәнди башчилиқидики кишиләр әнқәрә кәчиорән чамисида җүмә намизидин кейин 18 уйғурниң узақтин җиназа намизини чүшүрди. Арқидин мухбирларға баянат бәрди.

Үлкү оҗақлири мәдәнийәт вә маарип вәхпиниң рәиси олҗай килавуз әпәнди мәтбуат баянатини мундақ башлиди: хитай бесивалған шәрқий түркистандики уйғурларға хитай елип бериватқан бесим узун йиллардин бери давамлашмақта. Мусулман уйғурлар һаят күриши елип бармақта. Бир тәрәптә хитайниң ассимилятсийә сияситигә қарши күрәш қиливатқан уйғурлар, йәнә бир тәрәптә болса шәрқий түркистанға хитайларни әкелип җайлаштуруш арқилиқ уйғурларни ассимилятсийә қилиш үчүн уйғурларни қийнаватқан залим хитай дөлити. Хитай бүгүнки мәдәний дуняниң көзи алдида уйғурларға қарита қирғинчилиқ сиясити елип бармақта. Бу рамзан ейидиму бурунқиға охшашла мусулман уйғур қериндашлиримизниң роза тутушини чәклимәктә. Хитайниң бу чәклимилиригә бой сунмиған уйғур қериндашлиримизни еғир дәриҗидә җазалимақта. Хитай һазир уйғурларниң тилини, динини вә миллий кимликини пүтүнләй дуня сәһнисидин өчүрүп ташлаш үчүн уйғурларға қарши уруш елан қилған.

Олҗай килавуз әпәнди баянатида хитайниң вәһший йүзини 6 - айниң 22 - күни йәнә 18 уйғурни өлтүрүш арқилиқ көрсәткәнликини, түркийә һөкүмитини уйғурларға игә чиқишқа чақирип мундақ деди: хитай вәһший йүзини 6 - айниң 11 - күни қәшқәрдә 18 уйғур қериндишимизни өлтүрүш арқилиқ йәнә бир қетим көрсәтти. Хитай сақчилиқи сораққа тартмастин 18 уйғурни нәқ мәйданда етип өлтүргән. Хитай басқунчилири шәрқий түркистанда елип бериватқан халиғанчә адәм өлтүрүш җинайитини давам қилмақта. Әпсуски дунядики демократийә билән башқурулуватқан дөләтләр, шундақла түркийә дөлити бүгүнгичә хитайни әйиблимиди. Биз түркийәдики әң чоң аммиви тәшкилатлардин бири болуш сүпитимиз билән уйғур қериндашлиримизниң һәққаний дәвасини қоллап - қуввәтләшкә давам қилимиз. Қатил хитай дөлитидин ахири бир күн һесаб сораймиз.
Түркийәниң һәрқайси җайлирида қәшқәрдә өлтүрүлгән 18 уйғурниң узақтин җиназа намизи чүшүрүлдиТүркийәниң һәрқайси җайлирида қәшқәрдә өлтүрүлгән 18 уйғурниң узақтин җиназа намизи чүшүрүлди
«Түрк оҗақлири мәдәнийәт вә маарип вәхпи» ниң рәиси олҗай килавуз әпәнди мухбирларға бәргән баянатида тәшкилатиниң буйруқи билән бүгүн қәйсәри, газиантәп, әнқәрә, әрзинҗан, сивасқа вә истанбул қатарлиқ шәһәрләрдә җүмә намизидин кейин қәшқәрдә хитай сақчилири тәрипидин етип өлтүрүлгән 18 уйғурниң узақтин җиназа намизи чүшүрүлгәнликини ейтти.

Бүгүн түркийәниң һәрқайси җайлирида хитайға қарши өткүзүлгән наразилиқ паалийәтлири тоғрисида мәлумат игиләш үчүн уйғур хәвәр вә тәтқиқат мәркизиниң мәсули һамут гөктүрк әпәнди билән сөһбәт елип бардуқ.

У, хитайниң шәрқий түркистанда уйғурларниң роза тутушини чәклиши вә арқидинла қәшқәрдә 18 уйғурниң етип өлтүрүлүшиниң түркләрниң қаттиқ ғәзипини қозғиғанлиқини, түркийәдики һәр қайси аммиви тәшкилатларниң наразилиқ билдүрүватқанлиқини, обзорлар елан қилиниватқанлиқини буниң уйғурларниң ялғуз әмәсликиниң бир ипадиси икәнликини ейтти.

Пикирләр (0)
Share
Толуқ бәт