Türkiyening herqaysi jaylirida qeshqerde öltürülgen 18 Uyghurning uzaqtin jinaza namizi chüshürüldi

Muxbirimiz erkin tarim
2015-06-26
Élxet
Pikir
Share
Print
Türkiyede qeshqerde öltürülgen 18 Uyghurning uzaqtin jinaza namizi chüshürülmekte
Türkiyede qeshqerde öltürülgen 18 Uyghurning uzaqtin jinaza namizi chüshürülmekte
RFA/Erkin Tarim


6 - Ayning 22 - küni qeshqerde yüz bergen weqede 18 Uyghurning étip öltürülgenlik xewiri tarqitilghandin kéyin türkiyediki herqaysi ammiwi teshkilatlar arqa - arqidin bayanat élan qilip, xitayning bu xil sotlimayla neq meydanda öltürüsh siyasitini qattiq eyiblidi.

Türkiyediki eng chong ammiwi teshkilatlardin biri bolghan "Ülkü ojaqliri medeniyet we ma'arip wexpi" bashliqi oljay kilawuz ependi bügün bayanat élan qilip, xitayning 18 Uyghurni sotqa chiqarmayla étip öltürüwetkenlikini qattiq eyiblidi we bügün jüme namizidin kéyin türkiyening herqaysi wilayetliridiki shöbe teshkilatlirining uyushturushi bilen jamilerde xitay saqchiliri qeshqerdiki weqede étip öltürüwetken 18 Uyghurning uzaqtin namizi chüshürüldi.

Istanbulda qeshqerde öltürülgen 18 Uyghurning uzaqtin jinaza namizi chüshürülmekte
Istanbulda qeshqerde öltürülgen 18 Uyghurning uzaqtin jinaza namizi chüshürülmekte Photo: RFA

"Ülku ojaqliri" re'isi oljay kilawuz ependi bashchiliqidiki kishiler enqere kechi'oren chamisida jüme namizidin kéyin 18 Uyghurning uzaqtin jinaza namizini chüshürdi. Arqidin muxbirlargha bayanat berdi.

Ülkü ojaqliri medeniyet we ma'arip wexpining re'isi oljay kilawuz ependi metbu'at bayanatini mundaq bashlidi: xitay bésiwalghan sherqiy türkistandiki Uyghurlargha xitay élip bériwatqan bésim uzun yillardin béri dawamlashmaqta. Musulman Uyghurlar hayat kürishi élip barmaqta. Bir terepte xitayning assimilyatsiye siyasitige qarshi küresh qiliwatqan Uyghurlar, yene bir terepte bolsa sherqiy türkistan'gha xitaylarni ekélip jaylashturush arqiliq Uyghurlarni assimilyatsiye qilish üchün Uyghurlarni qiynawatqan zalim xitay döliti. Xitay bügünki medeniy dunyaning közi aldida Uyghurlargha qarita qirghinchiliq siyasiti élip barmaqta. Bu ramzan éyidimu burunqigha oxshashla musulman Uyghur qérindashlirimizning roza tutushini cheklimekte. Xitayning bu cheklimilirige boy sunmighan Uyghur qérindashlirimizni éghir derijide jazalimaqta. Xitay hazir Uyghurlarning tilini, dinini we milliy kimlikini pütünley dunya sehnisidin öchürüp tashlash üchün Uyghurlargha qarshi urush élan qilghan.

Oljay kilawuz ependi bayanatida xitayning wehshiy yüzini 6 - ayning 22 - küni yene 18 Uyghurni öltürüsh arqiliq körsetkenlikini, türkiye hökümitini Uyghurlargha ige chiqishqa chaqirip mundaq dédi: xitay wehshiy yüzini 6 - ayning 11 - küni qeshqerde 18 Uyghur qérindishimizni öltürüsh arqiliq yene bir qétim körsetti. Xitay saqchiliqi soraqqa tartmastin 18 Uyghurni neq meydanda étip öltürgen. Xitay basqunchiliri sherqiy türkistanda élip bériwatqan xalighanche adem öltürüsh jinayitini dawam qilmaqta. Epsuski dunyadiki démokratiye bilen bashquruluwatqan döletler, shundaqla türkiye döliti bügün'giche xitayni eyiblimidi. Biz türkiyediki eng chong ammiwi teshkilatlardin biri bolush süpitimiz bilen Uyghur qérindashlirimizning heqqaniy dewasini qollap - quwwetleshke dawam qilimiz. Qatil xitay dölitidin axiri bir kün hésab soraymiz.
Türkiyening herqaysi jaylirida qeshqerde öltürülgen 18 Uyghurning uzaqtin jinaza namizi chüshürüldiTürkiyening herqaysi jaylirida qeshqerde öltürülgen 18 Uyghurning uzaqtin jinaza namizi chüshürüldi
"Türk ojaqliri medeniyet we ma'arip wexpi" ning re'isi oljay kilawuz ependi muxbirlargha bergen bayanatida teshkilatining buyruqi bilen bügün qeyseri, gazi'antep, enqere, erzinjan, siwasqa we istanbul qatarliq sheherlerde jüme namizidin kéyin qeshqerde xitay saqchiliri teripidin étip öltürülgen 18 Uyghurning uzaqtin jinaza namizi chüshürülgenlikini éytti.

Bügün türkiyening herqaysi jaylirida xitaygha qarshi ötküzülgen naraziliq pa'aliyetliri toghrisida melumat igilesh üchün Uyghur xewer we tetqiqat merkizining mes'uli hamut göktürk ependi bilen söhbet élip barduq.

U, xitayning sherqiy türkistanda Uyghurlarning roza tutushini cheklishi we arqidinla qeshqerde 18 Uyghurning étip öltürülüshining türklerning qattiq ghezipini qozghighanliqini, türkiyediki her qaysi ammiwi teshkilatlarning naraziliq bildürüwatqanliqini, obzorlar élan qiliniwatqanliqini buning Uyghurlarning yalghuz emeslikining bir ipadisi ikenlikini éytti.

Toluq bet