Türkiye-rusiye munasiwiti künsayin jiddiyleshmekte

Muxbirimiz erkin tarim
2015-11-27
Share
rusiye-su-24-ayropilan.png Rusiyening SU-24 tipiliq ayropilani
Public Domain

Türkiye hawa armiyesi türkiye bilen suriye chégrasida rus urush ayropilanini urup chüshürgendin kéyin, rusiye dölet bashliqi wladimir putin muxbirlargha bergen tunji bayanatida, "Arqimizdin pichaqlanduq" dégen idi. Arqidin türkiye re'is jumhuri rejep tayyip erdoghan CNN téléwiziyisige bergen bayanatida, rusiyedin epu sorimaydighanliqini éytti. Bügün rusiye da'iriliri yene 12-aydin tartip türklerdin wiza telep qilmasliq siyasiti bikar qilinish pilani barliqini otturiga qoydi.

Rusiye prézidénti wladimir putin türkiye dölet re'isi rejep tayiyp erdoghan bilen parizhda chaqirilidighan kilimat toghrisidiki yighinda élip barmaqchi bolghan uchrishishini bikar qilidighanliqini jakarlidi. Bundaq dawam qilidighan bolsa ikki dölet munasiwiti qandaq bolar? ijtima'iy taratqularda yéziliwatqandek üchinchi dunya urushi chiqish éhtimali barmu? türkiye-rusiye otturisidiki munasiwetning jiddiylishishige xitay qandaq qaraydu? dégendek so'allargha jawab tépish üchün türkiye istratégiyelik chüshenche instituti türkiye-xitay munasiwiti mutexessisi doktor erkin ekrem bilen söhbet élip barduq.

U, herqandaq milliy döletning öz chégrasini qoghdash heqqi barliqini, shunga türkiyening rus ayropilanini étip chüshürgenlikini, hazirghiche rusiye ayropilanining néme üchün türkmen rayonigha kelgenliki toghrisida éniq melumat yoqluqini bayan qildi.

Doktor erkin ekrem bu weqening ikki dölet otturisidiki tijariy munasiwetke éghir ziyan yetküzidighanliqini, yawropaning rusiye bilen türkiye otturisidiki munasiwetning buzulup kétishini xalimaydighanliqini, shunga muzakire qilish jeryanida kélishtürüp qoyidighanliqini bayan qildi.

U, eger rusiye türkiyege hujum qilip kirse, shimaliy atlantik ehdi teshkilati nizamnamisige asasen türkiye terepte turup urushidighanliqini, eger bundaq bolsa 3-dunya urushi chiqidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet