Türkiyening karatékin uniwéristétida “Mezlum diyar sherqiy türksitan” tonushturuldi

Ixtiyariy muxbirimiz arslan
2015.04.24
Share on WhatsApp
Share on WhatsApp
turkiye-chankari-unversititi-mezlum-sherqiy-turkistan.jpg 22-Aprél türkiye chankiri üniwérsititide ötküzülgen “Mezlum diyar sherqiy türkistan” dégen témidiki yighindin körünüshler
RFA/Arslan


Türkiye chankiri karatékin uniwéristiti yashlar herikiti jem'iyitining uyushturushi bilen “Ümmet jughrapiyiside mezlum diyar sherqiy türksitan” dégen témida 22 - apéril chashenbe küni yighin échildi.

Yighin'gha chankiri waliyisi wehdedtin özjan, karatékin uniwéristétining réktor yardemchisi riza gurbüz we akadémikler shundaqla oqutquchi, oqughuchilar bolup köp sanda kishi qatnashti.

Yighinda aldi bilen sherqiy türksitan toghrisida ishlen'gen höjjetlik filim körsitildi.

Yighin'gha teklip bilen qatnashqan sherqiy türksitan ma'arip we hemkarliq jem'iyitining bash katipi abdul'ehed abduraxman söz qildi.

Abdul'ehed abduraxman ependi sözide, sherqiy türksitanning tarixi, jughrapiyisi we istratégiyilik ehmiyiti, yer asti we yer üsti bayliqliri toghrisida toxtaldi we Uyghurlarning hazir düch kéliwatqan qiyinchiliq mesililirini anglatti, bolupmu xitay da'irilirining yéqindin buyan diniy étiqadqa bolghan cheklimilerni kücheytip namaz oqush, roza tutush, meschitte ezan oqush, diniy mektep échish qatarliq diniy éhtiyajlargha tosqunluq qiliwatqanliqini ipadilidi.

Abdul'ehed ependi sözide yene, xitay da'irilirining musulmanlarni diniy étiqadidin uzaqlashturushqa urunuwatqanliqini, sherqiy türksitan musulmanlirining namaz oqush, roza tutush, diniy pa'aliyet we ibadetlerni erkin halda qilishigha roxset qilmaywatqanliqini anglatti.

Abdul'ehed abduraxman ependi musulmanlar mehdining kélip yardem qilishini kütken'ge oxshash, türkiyining Uyghurlar üchün bir mehdi dep qariliwatqanliqini ipadilidi we türkiyining musulmanlargha yardem qilishigha tashqi küchlerning tosqunluq qiliwatqanliqini, türkiyining küchlenmesliki we yardem qilmasliqi üchün oyun oynawatqanliqini bildürdi.

Yighin axirida abdul'ehed abduraxman ependi oqughuchilarning Uyghurlar toghrisida sorighan so'allirigha jawab berdi.

Axirida karatékin uniwéristétining mu'awin réktori riza gürbüz ependi abdul'ehed abduraxman ependige teqdirname teqdim qildi.

Biz bu yighin toghrisida yighinda söz qilghan abdul'ehed abduraxman ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.