Уйғурлар түркийә парламент рәисидин һал сориди

Ихтиярий мухбиримиз әркин тарим
2016.07.28
turkiye-parlament-binasi-bomba.jpg turkiye-parlament-binasi-bomba
Photo: RFA

15-Июл күни түркийә армийәси ичидики бир очум қомандан вә һәрбий түркийә һөкүмитигә қарши һәрбий өзгириш елип беришқа урунғанда, әнқәрә җ х идариси бинаси, түркийә парламенти бинаси, дөләт рәиси рәҗәп таййип әрдоғанниң ордиси қатарлиқ җайларни бомбардиман қилип, хәлқниң қаттиқ наразилиқиға учриған иди. Болупму түркийә җумһурийити қурулғанда тунҗи болуп қурулған органлардин бири болған, демократийәниң символиға айланған түркийә парламентиниң бомбардиманға учриши түрк хәлқиниң қаттиқ наразилиқиға учриған иди. Түрк хәлқи дөлитигә, демократийәгә болған садақитини ипадиләш үчүн һәр күни түркийә парламентини зиярәт қилмақта.

28-Июл күни уйғурларға вакалитән шәрқий түркистан маарип вә һәмкарлиқ җәмийити рәиси һидайәтуллаһ оғузхан әпәндиму орун алған 300 кишидин тәркиб тапқан түркийә халисанә хизмәт қилғучилар фонди һәйити түркийә парламентини зиярәт қилип, парламент башлиқи исмаил қәһриман әпәндидин һал сориди. Түркийә парламентидики бомба ташланған йәрни зиярәт қилип, демократийәгә қилған бу зиянкәшликкә ләнәт оқуди. Бу зиярәт җәрянида шәрқий түркистан маарип вә һәмкарлиқ җәмийити рәиси һидайәттуллаһ оғузхан әпәнди, түркийә аилә вә иҗтимаий хизмәтләр министири, түркийә көчмәнләр идариси рәһбәрлири биләнму учришип, түркийәдә туруватқан мусапир уйғурларниң мәсилилирини һәл қилип беришни тәләп қилған.

Биз бу зиярәт һәққидә техиму тәпсилий мәлумат игиләш үчүн бу паалийәтни уюштурған түркийә халисанә хизмәт қилғучилар фонди рәиси хамза ақбулут вә шәрқий түркистан маарип вә һәмкарлиқ җәмийити рәиси һидайәтуллаһ оғузхан әпәндиләр билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.