Uyghurlar türkiye parlamént re'isidin hal soridi

Ixtiyariy muxbirimiz erkin tarim
2016-07-28
Share
turkiye-parlament-binasi-bomba.jpg turkiye-parlament-binasi-bomba
Photo: RFA

15-Iyul küni türkiye armiyesi ichidiki bir ochum qomandan we herbiy türkiye hökümitige qarshi herbiy özgirish élip bérishqa urun'ghanda, enqere j x idarisi binasi, türkiye parlaménti binasi, dölet re'isi rejep tayyip erdoghanning ordisi qatarliq jaylarni bombardiman qilip, xelqning qattiq naraziliqigha uchrighan idi. Bolupmu türkiye jumhuriyiti qurulghanda tunji bolup qurulghan organlardin biri bolghan, démokratiyening simwoligha aylan'ghan türkiye parlaméntining bombardiman'gha uchrishi türk xelqining qattiq naraziliqigha uchrighan idi. Türk xelqi dölitige, démokratiyege bolghan sadaqitini ipadilesh üchün her küni türkiye parlaméntini ziyaret qilmaqta.

28-Iyul küni Uyghurlargha wakaliten sherqiy türkistan ma'arip we hemkarliq jem'iyiti re'isi hidayetullah oghuzxan ependimu orun alghan 300 kishidin terkib tapqan türkiye xalisane xizmet qilghuchilar fondi hey'iti türkiye parlaméntini ziyaret qilip, parlamént bashliqi isma'il qehriman ependidin hal soridi. Türkiye parlaméntidiki bomba tashlan'ghan yerni ziyaret qilip, démokratiyege qilghan bu ziyankeshlikke lenet oqudi. Bu ziyaret jeryanida sherqiy türkistan ma'arip we hemkarliq jem'iyiti re'isi hidayettullah oghuzxan ependi, türkiye a'ile we ijtima'iy xizmetler ministiri, türkiye köchmenler idarisi rehberliri bilenmu uchriship, türkiyede turuwatqan musapir Uyghurlarning mesililirini hel qilip bérishni telep qilghan.

Biz bu ziyaret heqqide téximu tepsiliy melumat igilesh üchün bu pa'aliyetni uyushturghan türkiye xalisane xizmet qilghuchilar fondi re'isi xamza aqbulut we sherqiy türkistan ma'arip we hemkarliq jem'iyiti re'isi hidayetullah oghuzxan ependiler bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet