Türkiyediki Uyghurlar perzentlirini musteqilliq rohi bilen yétishtürmekte

Türkiyediki Uyghurlar perzentliri ziyarette

Türkiyening qeyseri shehiride pa'aliyet élip bériwatqan sherqiy türkistan medeniyet we hemkarliq jem'iyiti on yildin béri Uyghurlardin ömek teshkillep, her yili türkiyening bir qanche shehirini ékiskursiye qildurmaqta.

Ular bu yil 8 - ayning 22 - küni osmaniye impériyesining qurghuchisi osman ghazi we orxan ghazilarning qebrisi bar, türkiyening tarixiy we sana'et sheherliridin biri bolghan bursa shehirini we 8 - ayning 23 - 24 - künliri bolsa türkiye jumhuriyitining yéqinqi zaman tarixi, bolupmu jumhuriyet tarixidiki eng muhim sheherliridin biri bolghan chanaqqel'e shehirini ékiskursiye qilindi. Bu yil 10 - qétimliqi oyushturulghan bu ékiskursiyege sherqiy türkistan medeniyet we hemkarliq teshkilatining bash qurush hey'iti ezaliri, ayallar we yash - ösmürlerdin bolup 55 kishi qatnashti.

Bu ékiskursiye ömikining mes'uli, mezkur teshkilatning re'isi séyit tümtürk ependi bu qétimqi ziyarette ayallar bilen yash - ösmürlerge osmaniye impériyesining qurghuchisi osman ghazi we orxan ghazilarning qebrisini, osmaniye dölitining paytextini ékiskursiye qildurush arqiliq bir milletning qandaq qilip, chidirda qurulghan bir döletning 3 qit'eni sorighan osmaniye impériyisige aylan'ghanliqini, dölet qurushning qanchilik muqeddes bir ish bolghanliqini chüshendürgenlikini éytti. U, 8 - ayning 23 - 24 - künliri bolsa 1915 - yili gherb döletliri türkiye zéminigha hujum qilip kirgende, türk armiyesining qehrimanlarche jeng qilip, bu zémindin chet'elliklerni qoghlap chiqarghan, 230 ming türk shéhit bolghan chanaqqel'e jeng meydanini ékiskursiye qildurghanliqini, ékiskursiyechilerning bu jeng toghrisida köp melumatlargha ige bolghanliqini bayan qildi.

U, bu ziyaretning sherqiy türkistan pa'aliyetchilirini yétishtürüsh üchün intayin muhim ehmiyetke ige ikenlikini éyitti.

Töwende séyit tümtürk bilen bu heqte élip barghan söhbitimizni anglanglar.