Türkiyening izmir shehiride “Sherqiy türkistanning hazirqi weziyiti we Uyghur mesilisi” namliq yighin chaqirildi

“Sherqiy türkistanning hazirqi weziyiti we Uyghur mesilisi” namliq yighin'gha qatnashquchilar. 2013-Yili 2-noyabir, izmir

11-Ayning 2-küni türkiyening gherbiy rayonigha jaylashqan izmir shehiridiki gediz uniwérsitétida “Sherqiy türkistanning hazirqi weziyiti we Uyghur mesilisi” namliq doklat bérish yighini chaqirildi. Yighinda d u q mu'awin re'isi, sherqiy türkistan medeniyet we hemkarliq jem'iyiti re'isi séyit tümtürk ependi doklat berdi.

Gediz uniwérsitéti türk dunyasi tetqiqat jem'iyiti uyushturghan mezkur doklat bérish yighinigha izmir shehiridiki ammiwi teshkilat mes'ulliri, uniwérsitétining her derijilik rehberliri we oqutquchi-oqughuchilardin bolup 400 etrapida kishi qatnashti.

D u q mu'awin re'isi séyit tümtürk ependi, aldi bilen Uyghurlarning qisqiche tarixi heqqide melumat bergendin kéyin, nuqtiliq halda Uyghurlarning hazirqi weziyiti, dunya Uyghur qurultiyining pa'aliyetliri we Uyghur mesilisini hel qilishning yolliri toghrisidiki köz qarashlirini otturigha qoyup ötti. Kéyin misallar bilen sherqiy türkistanda meydan'gha kelgen toqunushlar toghrisida melumat berdi.

Doklati axirlashqandin kéyin “Sherqiy türkistanning hazirqi weziyiti we Uyghur mesilisi” namliq doklat bérish yighinining axirida séyit tümtürk ependi yighin'gha qatnashqanlarning so'aligha jawab berdi.

Biz neq meydan'gha téléfon qilip doklat bérish yighini toghrisida melumat igiliduq.