Uyghurlar enqerede ötküzülgen térrorchiliqni lenetlesh namayishigha qatnashti

Ixtiyariy muxbirimiz erkin tarim
2015.09.09
terrorchiliq-lenet-namayish-turkiye-6.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

terrorchiliq-lenet-namayish-turkiye-5.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

terrorchiliq-lenet-namayish-turkiye-4.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

terrorchiliq-lenet-namayish-turkiye-3.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

terrorchiliq-lenet-namayish-turkiye-2.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

terrorchiliq-lenet-namayish-turkiye-1.jpg

Uyghurlar enqerede ötküzülgen térrorchiliqni lenetlesh namayishigha qatnashti. 2015-Yili séntebir, türkiye. RFA/Erkin Tarim

Türkiyediki eng chong ammiwi teshkilatlardin biri bolghan ülkü ma'arip fondi türkiyening 81 wilayitide namayish ötküzüp, kéyinki künlerde türkiyede küchiyip ketken térror hujumlirini lenetlidi.

Enqerede ötküzülgen bu namayishqa milletchi heriket partiyesi mu'awin bashliqi oqtay wural ependi, türkiy milletlerge mes'ul mu'awin re'isi atilla qaya ependi we ülkü ojaqliri bashliqi oljay kilawuz ependi we türkiyede pa'aliyet élip bériwatqan türkiy milletlerning ammiwi teshkilatlirining ezaliri we enqerediki Uyghurlardin bolup 5 ming etrapida kishi qatnashti. Enqerening beshewler meydanida yighilip, qolida türkiyening bayriqini kötürüwalghan türkler we sherqiy türkistanning bayriqini kötürüwalghan Uyghurlar “Shéhitlar ölmes, weten parchilanmas”, “Enqere uxlima, shéhitliringgha ige chiq”, “Hökümet istépa ber” dégendek sho'arlarni towlighan halda enqere merkizidiki qizilay meydanigha yétip keldi. Namayish bezi téléwiziye teripidin neq meydandin tarqitildi.

Namayish jeryanida türk ojaqliri teshkilati re'isi oljay kilawuz ependi muxbirlargha bergen bayanatida térrorchilarning 78 milyon xelqqe qarshi hujum élip bériwatqanliqini, türk dölitining bu térrorchilarni yoqitalaydighan küchke ige ikenlikini, térrorchilarning aldirap xushal bolup ketmesliki kéreklikini, türklerning térrorchilargha bir ghérich zéminnimu bermeydighanliqini bayan qildi.

Biz namayishqa qatnashqan azadjan bughra ependige mikrofonimizni uzattuq.

U, türklerning Uyghurlarning qérindishi ikenlikini, Uyghurlar qéyin weziyetke chüshüp qalghanda türk xelqining her da'im Uyghurlarni qollap quwwetlep kelgenlikini, shunga türklerning béshigha musibet kelgende bularni ortaqlishish üchün namayishqa kelgenlikini bayan qildi.

Térror weqesi köpeygendin kéyin, türkiyening herqaysi jaylirida kishiler kürtlerning partiyesi bolghan xelqning démokratiyesi partiyesining ishxanilirini urup chaqmaqta, kishiler buning türkiyede türkler bilen kürtler otturisida toqunushqa aylinip qélishidin qorqmaqta. Doktor erkin ekrem bundaq bir éhtimalning bek töwenlikini bayan qildi.

Istratégiyilik chüshenche instituti mutexessisi doktor erkin ekrem ependi 11-ayda ötküzülidighan saylamda küchlük bir hökümet qurulsa muqimliq berpa bolidighanliqini bayandi.

Türk armiyisi térrorr teshkilatlirining türk armiyisi we jama'et xewpsizlik xadimlirigha qarshi élip bérishqa bashlighan térrorluq hujumidin kéyinla 7-ayning 22-küni urush ayropilanliri bilen ular turuwatqan taghlargha hujumgha bashlighan idi. Kéyinki 64 kün ichide ular herbiy, saqchi we qoghdighuchilardin bolup 110 kishini öltürdi. Ularning hujumi jeryanida bir chet'ellik jem'iy 23 awam xelq hayatidin ayrildi, 304 kishi yaradar boldi.

Anatoliye xewer agéntliqining 8-séntebir küni élan qilghan xewirige asaslan'ghanda, türkiyening sherqiy jenubi rayonida meydan'gha kelgen térrorluq weqeside térrorchilar 257 aptomobilni köydürgen. Türkiye hawa armiyisining shimaliy iraq bilen türkiyening sherqiy jenub rayonida térrorchilarning uwisigha tashlighan bombisida mingdin artuq térrorchi ölgen.

Türkiye 11-ayning 8-küni ötküzülidighan qayta saylamgha teyyarliniwatqan bügünki künde, türkiyening weziyiti künsayin jiddiyleshmekte. Türkiye chet'elde demeshq, iraq islam döliti térrorchiliri bilen bilen p k k térrorchilirigha qarshi herbiy herikitini dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.