Әнқәрәдики түркләр вә уйғурлар хитай әлчиханиси алдида йәкән вәқәсиниң бир йиллиқи мунасивити билән намайиш қилди

Мухбиримиз әркин тарим
2015.07.29
turkiye-yeken-weqesi-namayish-2015.jpg Әнқәрәдики түркләр вә уйғурлар хитай әлчиханиси алдида йәкән вәқәсиниң бир йиллиқи мунасивити билән намайишта
RFA/Erkin Tarim


Д у қ ниң чақириқи, шәрқий түркистан мәдәнийәт вә һәмкарлиқ тәшкилатиниң орунлаштуруши билән 28 - июл күни түркийәниң әнқәрә шәһиридики хитай әлчиханиси алдида йәкән вәқәсиниң бир йиллиқи мунасивити билән намайиш елип берилди. Бу намайишқа әнқәрәдики мәлум бир толуқ оттура мәктәпниң оқутқучиси айтекин чәтин вә униң оқуғучилири, дуня уйғур қурултийиниң муавин рәиси сейит түмтүрк әпәнди, әнқәрәдики бәзи уйғурлардин болуп көп санда киши қатнашти. Намайиш саәт 12:00 дин 12:40 қичә давамлашти. Қолида түркийә байриқи, шәрқий түркистан байриқини вә лозункиларни көтүривалған намайишчилар түрлүк шоарларни товлап йәкән вәқәсидә қәтли қилинған шеһитларни әслиди, хитайниң қанлиқ қирғинчилиқини әйиблиди.

Арқидин дуня уйғур қурултийи муавин рәиси сейит түмтүрк әпәнди мәтбуат баянатини оқуп өтти. У, баянатида бундин бир йил бурун 28 - июл күнидә йәкәнниң илишқу вә хаңди йезилирида йүз бәргән вәқәдә хитайниң 96 уйғурни өлтүргәнликини ашкарилиғанлиқини, бу санниң тоғра әмәсликини, бу вәқәдә көп санда бигунаһ уйғурни өлтүривәткәнликини хитайниң өлтүрүлгән уйғурларниң һәқиқи санини дуняға ашкарилиши керәкликини, тутуқланған уйғурларни дәрһал қоюп беришини, уйғурларға елип бериливатқан бесим сияситини тохтитиши керәкликини ейитти.

Сейит түмтүрк әпәнди баянатида, өзлири намайиш қиливатқан саәтләрдә түркийә дөләт рәиси рәҗәп тайоп әрдоғанниң рәсмий зиярәт үчүн хитайға маңғанлиқини, бу қетимқи зиярәттә уйғурлар мәсилисини күн тәртипкә елип келиши, уйғурларға игә чиқиши керәкликини тәкитлиди. Төвәндә нәқ мәйдандин әвәткән хәвәр программимизни аңлитимиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.