Д у қ түркийә ташқи ишлар министиридин ярдәм тәләп қилди

Ихтиярий мухбиримиз әркин тарим
2014.09.09
mewlut-chawushoghlu-seyit-tumturk.JPG Д у қ муавин рәиси сейит түмтүрк әпәнди түркийә ташқи ишлар министири мәвлут чавушоғлу билән. 2014-Йили сентәбир, түркийә.
RFA/Erkin Tarim

Д у қ һәйити түркийәниң йеңи ташқи ишлар министири мәвлут чавушоғлу билән көрүшүп, уни тәбриклиди вә дуняниң һәрқайси җайлирида тарқилип кәткән мусапир уйғурларға ярдәм беришини тәләп қилди.

Түркийә болса 60 йилдин бери мусапир уйғурларға давамлиқ һалда қучақ ечип келиватқан қериндаш бир дөләт. Түркийә үрүмчи вәқәсидин кейинму көп санда уйғурни түркийә вәтәндашлиқиға қобул қилди. Түркийә җумһурийити тунҗи қетим 1949 -йили коммунист хитай уйғур дияриға бесип киргәндин кейин, чәтәлгә қечишқа мәҗбур қалған әйса йүсүп алиптекин вә муһәммәд имин буғра башчилиқидики 1820 әтрапида уйғур вә қазақни пуқралиққа қобул қилған.

Соғуқ уруш мәзгилидә уйғурларниң түркийәгә келиши вақитлиқ тохтиған болсиму 1982-йилидин тартип уйғурлар һәр хил сәвәбләр билән қайта түркийәгә көчүшкә башлиди. Болупму 2000-йиллардин башлап, түркийәгә келиватқан уйғурларниң саниму көпәймәктә. Уйғур мусапирлар мәсилиси бүгүн әң чоң мәсилиләрдин биригә айланди. Бу мунасивәт билән дуня уйғур қурултийи рәиси рабийә қадир ханимниң орунлаштуруши билән муавин рәис сейит түмтүрк башчилиқидики 3 кишидин тәркиб тапқан һәйәт түркийә ташқи ишлар министири мәвлүт чавушоғлу билән көрүшүп ярдәм тәләп қилди. Сейит түмтүрк әпәнди алди билән рабийә қадир ханимниң салимини йәткүзгәндин кейин, шәрқий җәнубий асия дөләтлиридә пәришан һалда яшаватқан уйғурларни қериндаш түркийә җумһурийитиниң қобул қилишини тәләп қилди вә уларниң һазирқи әһвали тоғрисида мәлумат бәрди.

Түркийә ташқи ишлар министири мәвлүт чавушоғлу өзиниң уйғур мәсилисини йеқиндин көзитип келиватқанлиқини, уйғурларниң әһвалини яхши билидиғанлиқини, мусапирлар мәсилисидә қолидин келишичә ярдәм қилидиғанлиқини ейтти.

Бу учришиш һәққидә техиму тәпсилий мәлумат елиш үчүн микрофонимизни сейит түмтүрк әпәндигә узаттуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.