Türk hökümiti istanbuldin enqerege piyade yürüsh qilghan Uyghurlarning enqerege kirishige ruxset qilmidi

Ixtiyariy muxbirimiz erkin tarim
2019-01-04
Élxet
Pikir
Share
Print
Türk saqchiliri teripidin tosuwélin'ghan istanbuldin enqerege piyade yürüsh qiliwatqan bir guruppa Uyghurlar. 2019-Yili 3-yanwar. Qiziljahamam, türkiye.
Türk saqchiliri teripidin tosuwélin'ghan istanbuldin enqerege piyade yürüsh qiliwatqan bir guruppa Uyghurlar. 2019-Yili 3-yanwar. Qiziljahamam, türkiye.
Rfa/Erkin Tarim

Türk saqchiliri istanbuldin enqerege piyade yürüsh qiliwatqan bir guruppa Uyghurlarni enqerege 80 kilométir yol qalghanda qiziljahamam nahiyeside tosuwalghan idi.

Saqchilarning éytishiche bügün türkiye dölet re'isi rejep tayyip erdoghan'gha xet tapshurmaqchi idi. Emma bügün türk saqchiliri enqere shehrige kirishige ruxset bermeyla qalmastin ikki wékilning türkiye dölet re'isi rejep tayyip erdoghan'gha xet tapshurushighimu ruxset qilmidi. Igilishimizche bularning dölet re'isi rejep tayyip erdoghan'gha xet tapshurush telipimu munasiwetlik idare-jemiyetler teripidin ret qilin'ghan.
Türkiyening istanbul shehiride turuwatqan éli ekber ependi bashchiliqidiki 9 Uyghur Uyghurlarning hazirqi éghir weziyitige kishilerning diqqet-étibarini tartish shundaqla türkiye dölet re'isi rejep tayyip erdoghan'gha Uyghurlarning éghir weziyiti bayan qilin'ghan bir parche xetni öz qoli bilen tapshurush üchün 15-dékabir küni istanbuldin enqerege qarap piyade yolgha chiqqan idi. Bularning sani yolda qoshulghan Uyghurlar bilen 60 tin ashqan. 3-Yanwar küni enqerege 80 kilométir qalghan qiziljahamam nahiyeside 20 dek türk saqchisi ularning aldini tosuwélip, mangghili qoymighan idi. Bügün Uyghurlar bilen saqchlar otturisidiki muzakire netijiside Uyghurlargha enqere qet'iy kirgili qoymaydighanliqini bildürgen. . Éli ekber ependi bu jereyan heqqide toxtaldi.

Dunyaning qeyéride ézilgen musulman bolsa uninggha yardem qilimiz dégen türkiye hökümiti 20 kündin béri istanbuldin-enqere piyade yürüsh qiliwatqan Uyghurlarning enqere shehrige kirishige ruxset bermeslikini qandaq chüshinishimiz kérek? türkiye néme sewebdin ruxset qilmighan bolushi mumkin? enqerediki istiratégiyelik chüshenchiler inistituti mutexesisi doktor erkin ekrem ependi buning ihtimal sewebliri toghrisida melumat berdi. 

Éli ekper ependi türklerning Uyghurlarning qérindishi ikenlikini, özining bundaq bir tosalghugha uchrishishini oylapmu baqmighanliqini, buningdin könglining bekla yérim bolghanliqini bayan qildi. 

Qimmetlik radi'o anglighuchilar, Uyghurlarning weziyiti heddidin tashqiri éghirlashqandin kéyin türkiyediki Uyghurlar derdini türk jama'etchilikke anglitish üchün istanbuldin enqerege piyade yürüsh qilish yolini tallimaqta. Éli ekber ependi bashchiliqidiki bu Uyghurlar istanbuldin enqerege piyade yürüsh qilghan 3-guruppa Uyghurlar bolup, piyade yürüsh qilish Uyghur dewasini anglitish üchün ünimlik boliwatamdu? doktor erkin ekrem ependi Uyghurlarning buning bilen chekli'ipla qalmay bashqa yollarnimu tallishi kéreklikini bayan qildi. 

Istanbuldin enqerege piyade yürüsh qilish karwini eslide 9 kishi bilen bashlan'ghan bolup, yolda qétilghanlar bilen ularning sani 4-yanwar küni 70 ke yetken.

Toluq bet