6 Kishilik Uyghur hey'iti malaysiyani ziyaret qilmaqta

Ixtiyariy muxbirimiz arslan
2019.01.09
Share on WhatsApp
Share on WhatsApp
malaysiya-uyghur-mesilisi.jpg Diniy ölima abdusalam alim, malaysiya “TV3” qanilining ziyaritini qobul qilmaqta. 2019-Yili yanwar, malaysiya.
RFA/Arslan

Sherqiy türkistan ma'arip we hemkarliq jem'iyiti, sherqiy türkistan ölimalar birlikining rehberliridin terkib tapqan 6 kishilik bir hey'et malaysiyani ziyaret qildi we malaysiya diniy ishlar idarisining muptisi bilen uchrashti.

Bu hey'et, malaysiya ziyariti jeryanida malaysiya hökümitining bir qisim rehberliri we ijtima'iy teshkilatlarning re'isliri bilen uchrishish élip bérip, ular bilen Uyghur mesilisini muzakire qilidiken.

Mezkur Uyghur hey'iti ziyaret jeryanida yene her xil radiyo-téléwiziye we gézit muxbirlirining ziyaretlirini qobul qilip, Uyghur mesilisini anglitidiken shundaqla ijtima'iy teshkilatlarning uyushturushi bilen Uyghurlar toghrisida échilghan yighinlargha qatniship doklat béridiken.

Uyghur hey'et ziyaritining birinchi küni ku'ala lumpurda malaysiya dini ishlar idarisining re'isi bilen ishxanisida uchrashqandin bashqa yene WADAH, GLOBAL PEACE, ABÝM ANJUNG RAHMAH qatarliq ijtima'iy teshkilatlarning rehberliri bilen uchriship, Uyghur mesilisi toghrisida doklat sun'ghan we ular bilen Uyghurlarning nöwettiki ehwali toghrisida pikir almashturghan.

Awstraliyedin malaysiyagha barghan diniy ölima abdusalam alim, malaysiya “TV3” qanilining ziyaritini qobul qilip, Uyghurlarning nöwette duch kéliwatqan mesililirini anglatqan, bolupmu u xitay da'irilirining Uyghur musulmanlirigha qoyghan dini jehettiki cheklimilirini delil-pakitlar bilen otturigha qoyghan.

Uyghur hey'etning ichide sherqiy türkistan ma'arip we hemkarliq jem'iyitining re'isi hidayetulla oghuzxan, sherqiy türkistan ölimalar birliki re'isi doktor atawulla shehyar, mu'awin re'isliri-sirajidin ezizi, awstraliyedin abdusalam alim qatarliq 6 kishi bar.

Biz sherqiy türkistan ma'arip we hemkarliq jem'iyitining re'isi hidayetulla oghuzxan we abdusalam alim ependiler bilen söhbet élip barduq.

2018-Yili 12-ayning 21-künliri malaysiya we hindonéziye döletliride ijtima'iy teshkilatlar we nechche minglighan xelq ammisi kochilargha chiqip, xitayning Uyghurlar üstidin yürgüzüwatqan bésim siyasetliri we jaza lagérlirigha qarshi naraziliq namayish élip barghan idi.

Yuqiridiki awazliq ulinishtin bu heqtiki programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.