Türk-ereb munasiwiti yighinida Uyghur mesilisi otturigha qoyuldi
2013.11.06
2-, 3-noyabir künliri türkiyening istanbul shehiride chaqirilghan “Türk-ereb munasiwiti: axbarat wasitiliride a'ile we xanim-qizlar mesilisi” mawzuluq yighinda Uyghur mesilisi, bolupmu Uyghur xanim-qizlirining mesilisi otturigha qoyuldi.
Istanbulda pa'aliyet élip bériwatqan enser weqpide ötküzülgen yighin'gha ereb xelipiliki, misir, süriye, tunis, pelestin we türkiye qatarliq döletlerdin 150 etrapida ayal qatnashqan. Ikki kün dawamlashqan bu xelq'araliq yighinda nuqtiliq halda türkiye bilen ereb döletliri otturisidiki munasiwetler we axbaratning musulman xanim-qizlirigha we yash ösmürlerge bolghan tesiri toghrisida muzakire élip bérilghan.
Uyghur xanim-qizlirigha wakaliten Uyghur pa'aliyetchi sha'ire nur'ela göktürk xanim qatnashqan bolup, u yighinda Uyghur xanim-qizliri duchar boluwatqan mesililerni körünüshler bilen körsitip turup doklat bergen. Uning bergen doklati herqaysi ereb döletliridin kelgen yighin ehlining qattiq diqqitini qozghighan. Sha'ire nür'ela göktürk xanim yighinda Uyghurlarning ereb döletliridin kütken ümidliri toghrisidimu toxtalghan.
Biz neq meydan'gha téléfon qilip nür'ela göktürk xanimdin yighin toghrisida melumat igiliduq.