Chet'ellerdiki Uyghurlar xitayning teshwiqatchilirigha reddiye berdi

Ixtiyariy muxbirimiz pida'iy
2015.04.03
xitay-teshwiqatchlirigha-reddiye-bergen-uyghur-qizi-nigare.jpg Xitay teshiwiqatlirigha reddiye bergen nigare xanim
RFA/Pidaiy


Hemmeylen'ge melum bolghandek, xitay da'iriliri mexsus asasiy qatlamlarda xizmet qilidighan teshwiqatchilarni yétishtürüp chiqip, Uyghurlarning édi'ologiyisi we diniy étiqadigha qiliwatqan hujumlirining salmiqini ashurmaqta.

Xitay kommunistliri assimiliyatsiye siyasitini tézlitish üchün, mexsus yétishtürgen bu teshwiqatchilarning tor dunyasida élan qilin'ghan léksiyeliri, chet'ellerde yashawatqan Uyghurlarning qattiq ghezipini qozghidi. Jümlidin gollandiyediki Uyghurlar aktipliq bilen radiyomizgha inkas bildürüp, bu heqtiki qarashlirini ortaqlashti.

Eziz radiyo anglighuchilar, mezkur xitay teshwiqatchilirining léksiyeliri élan qilin'ghandin kéyin, shexsi menpet, nam we nep üchün öz xelqini qulluqqa köndürüshke jan pidaliq bilen xizmet qiliwatqanlarning teshwiqatlirigha qarshi gollandiyidiki Uyghurlar jiddiy inkas berdi.

Gollandiyining melum shehiride olturushluq nigare xanim mezkur xitay teshwiqatchilirining ne milliy, ne diniy jehette éghiz échish salahiyitining yoqluqini, musulman ayallarning a'ile hayati, islamiy qiyapiti, uning nazuk we pakliqigha xas alahidiliki dep qaraydighanliqini bildürdi.

Gollandiyede yashawatqan Uyghur ziyaliysi hüseyin tejelliy ependi bu xil sepsetilerge shexslerla emes, belki pütün a'ile ezaliri bilen birlikte reddiye bérishning muhimliqini tekitlidi. Tejelliy a'ilisining kichik ezalirimu öz pikirlirini radiyo anglighuchilirimiz bilen ortaqlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.