Uyghur yashlirini démokratiye, kishilik hoquq we qanuniy bilimler bilen terbiyilesh kursi bashlandi

Ixtiyariy muxbirimiz ekrem
2017.10.13
Uyghur-Yashlirini-Terbiyilesh-Kursi-2017-01.JPEG Uyghur yashlirini démokratiye, kishilik hoquq we qanuniy bilimler bilen terbiyilesh kursidin bir körünüsh. 2017-Yili 13-öktebir, sitokholm, shiwétsiye.
RFA/Ekrem

13-Öktebir shiwétsiyening paytexti sitokholmda Uyghur yashlirini terbiyilesh kursigha qatnishidighan 60 tin artuq wekiller bir yerge jem boldi.

D u q, wakaletsiz milletler teshkilati we shiwétsiye Uyghur ma'arip uyushmisining hemkarliship uyushturushi, amérika démokratiyini ilgiri sürüsh fondining maddiy jehettin qollishi bilen 13-nöwetlik Uyghur yashlirini démokratiye, kishilik hoquq we qanuniy bilimler bilen terbiyilesh kursi 13-öktebir küni shiwétsiyening sitokholm shehiride bashlandi. 

Bu kursqa d u q rehberliridin rabiye xanim, ömer qanat, dolqun eysa, nuri türkel, dilshat réshit, gheyur qurban ependiler hemde u n p o wekilliri, shiwétsiye ma'arip uyushmisi rehberliri qatnashti hemde mexsus témilardiki léksiyeler teqdim qilindi.

Kursning échilish murasimi 13-öktebir chüshtin kéyin sa'et 14:30 da ibs méhmanxanisining yighin zalida sherqiy türkistan istiqlal marshi bilen resmiy bashlandi. Murasimgha shiwétsiye Uyghur ma'arip uyushmisining bash katipi nijat turghun ependi riyasetchilik qildi. Échilish murasimida d u q re'isi, Uyghur milliy herikiti rehbiri rabiye xanim échilish nutqi sözlidi. 

Murasimda d u q bash katipi, wakaletsiz milletler teshkilatining mu'awin re'isi dolqun eysa ependimu söz qildi. U, bu qétimqi kursqa qatnashqan yashlargha bu pa'aliyetning meqsed-muddi'aliri hemde Uyghur yashlirini terbiyilesh pa'aliyitining tarixi heqqide chüshenchiler berdi.

Dolqun eysa ependining nutqidin kéyin, xelq'ara kechürüm teshkilati xadimi maya abérg Uyghur dewasini xelq'ara sewiyide élip bérishning yolliri heqqide toxtaldi. En'giliyelik proféssor joshu'a kastélléno bolsa milletlerning öz teqdirini özi belgilesh uqumi toghrisida toxtilip, Buni xel'ara sehnide sherqiy türkistan mesilisige tedbiqlash Ning ünümlük chariliri heqqide sözlidi. 

Mezkur pa'aliyet 15-öktebirgiche 3 kün dawamlishidighan bolup, biz neq meydanda turup, pa'aliyetke ishtirak qiliwatqan hersahe zatlar we yashlarni ziyaret qilish pursitige érishtuq. 

Bu pa'aliyetke qatnishish üchün amérikidin kelgen d u q mu'awin re'isi, amérika Uyghur kishilik hoquq qurulushi teshkilatining mes'uli ömer qanat ependi bu qétimqi yawropa sepiri toghriliq tesiratlirini bildürüp ötti. Adwokat nuri türkel ependimu bu pa'aliyetler heqqide qarashlirini otturigha qoydi. 

Biz yene shiwétsiyening sitokholm shehiride yashaydighan d u q bayanatchisi dilshat réshitningmu bu kurs toghrisidiki tesiratlirini igilep körduq. Bu qétimqi pa'aliyetni teshkilleshke qanashqan shiwétsiye Uyghur ma'arip uyushmisining re'isi abdullah ependimu pikrini bayan qildi. 

D u q rehberlirining bu qétimqi yawropadiki pa'aliyetliri 2 hepte dawamlishidighan bolup, 3 künlük bu kurs axirlashqandin kéyin, ular bélgiye paytexti biryussélgha bérip, yawropa parlaméntida 19-öktebir ötküzülidighan “Uyghur dostluq guruppisi” ning qurulush murasimigha qatnashmaqchiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.