Wakaletsiz milletler teshkilatining 18 - nöwetlik bashqurush hey'iti yighinida Uyghurlar toghrisida qarar maqullandi

Birleshken döletler teshkilatigha eza bolalmighan milletlerdin terkip tapqan wakaletsiz milletler teshkilatining 18 - nöwetlik yighini 27 - 28 - noyabir künliri shiwitsariyening jenwe shehiride chaqirildi. Yighin'gha wakaletsiz milletler teshkilatining bashqurush hey'iti ezaliri qatnashqan bolup, Uyghurlargha wakaliten dunya Uyghur qurultiyi ijra'iye komitéti re'isi dolqun eysa ependi qatnashti.

Yighinda wakaletsiz milletler teshkilatining 6 ayliq xizmet doklati oqup ötülgendin kéyin muzakire élip bérildi. Yighinning kün tertipige asasen yighinda eza bolush üchün iltimas qilghan milletler bilen ezaliqtin chékinish üchün iltimas qilghan milletlerning mesilisi muzakire qilindi. Yéngi musteqil bolghan bezi milletler ezaliqtin chiqirilip, bezi milletler wakaletsiz milletler teshkilatigha eza qilip qobul qilindi.

Axirida, wakaletsiz milletler teshkilatining aldimizdiki 6 ayliq xizmet pilani toghrisida muzakire élip bérilip maqullandi. 6 Ayliq pilan ichide 2015 - yili 3 - aylarda d u q bilen birlikte yawrupa parlaméntida “Sherqiy türkistanda islam dini” témisida xelq'araliq ilmiy muhakime yighini chaqirish, 5 - ayda yene yawrupa parlaméntida “Tibet, Uyghur we mongghullarning öz teqdirini özi belgilesh mesilisi” témisida yighin chaqirish, 2015 - yili 6 - ayda gérmaniyening paytexti bérlinda Uyghurlar toghrisida yighin échish qatarliqlar bar iken.

Yuqiridiki awaz ulinishidin, yighin toghrisida d u q ijra'iye komitéti re'isi dolqun eysa bilen élip barghan söhbitimizni anglanglar.