Washin'gtonda Uyghurlar öktebirni kök bayraq renggide kütüwaldi

“Sherqiy türkstan'gha azadliq!”, “Xitaylar wetinimizdin chiqip ketsun”, “Uyghurlargha erkinlik”, “Xitay Uyghurlargha élip bériwatqan qirghinchiliqni toxtatsun !” chet'ellerde yashawatqan Uyghurlar öktebir éyigha mana bu jenggiwar sho'arlarsiz kirmeydu, yillardin buyan dunyaning her qaysi jaylirida yashawatqan Uyghurlargha oxshash washin'gton we uning etrapida yashawatqan Uyghurlarmu - 1 öktebir xitayning dölet bayrimining harpisida, namayish ötküzüshni en'enige aylandurghan.

Shu arqiliq ular xitayning zulumigha bash egmeydighanliqini, wetinining azadliqigha bolghan ümid - ishenchisini qayta namayan qilip kelmekte. 30 - Séntebir amérika Uyghur birleshmisining uyushturushi bilen, xitayning amérikidiki bash elchixanisi aldigha yighilghan Uyghurlar, Uyghur milliy herikiti rehbiri rabiye qadir xanim bashlamchiliqida xitayning sherqiy türkstanni bésiwalghanliqining 64 yilliqigha qarshi naraziliq sho'arini qayta yangratti. Muxbirimiz gülchéhre namayish neq meydanidin xewer béridu.