Ilham mahmut: yéngi hökümet kabinétining sénkaku arili we Uyghur mesilisidiki meydani özgermeydu

Yaponiye hökümiti 3-séntebir yéngidin kabént teshkillep, sénkaku arili, yasukuni ibadetxanisi qatarliq nazuk siyasiy mesililerde xitay we koréyege yéqin bolghan mötidil qarashtiki siyasetchilerni wezipige qoyup, xitay bilen bolghan diplomatik munasiwetlerni eslige keltürüshni ümid qilghan.

Yaponiye NHK téléwiziyesining 4-séntebirdiki xewiride qarighanda, yaponiye yéngidin kabént teshkilligendin kéyin, xitay terep yaponiye izchil telep qilip kéliwatqan ikki terep söhbitini eslige keltürüshke qoshulghan we bu yil 11-ayda béyjingda échilidighan asiya tinch okyan iqtisadiy hemkarliq yighinida söhbet élip baridighanliqini bildürgen.

Emma, yaponiyedin chiqidighan “Yomi'uri shimbun géziti” tor békitining in'gliz tilidiki xewiride déyilishiche, 7-séntebir xitay déngiz qoghdash qismining xeyjing 2149 markiliq paraxoti sénkaku arili déngiz tewelikige kirip ikki terep munasiwitini yene qaytidin jiddiyleshtürüp qoyghan.

Yaponiye bilen xitay arisidiki sénkaku arili mesilisi we yaponiye yéngi kabinétining Uyghur mesilisige körsitidighan tesiri qatarliq mesililer üstide dunya Uyghur qurultiyining mu'awin re'isi ilham mahmut bilen téléfon söhbiti élip barduq.

Yuqiriqi awaz ulinishidin tepsilatini anglang.