Yaponiyening naha shehiride "Sherqiy türkistan küni" pa'aliyiti bashlandi

Ixtiyariy muxbirimiz haji qutluq qadiri
2016-10-28
Élxet
Pikir
Share
Print
Yaponiyening naha shehiride élip bériliwatqan "Sherqiy türkistan küni" pa'aliyitidin bir körünüsh
Yaponiyening naha shehiride élip bériliwatqan "Sherqiy türkistan küni" pa'aliyitidin bir körünüsh
RFA/Haji Qutluq Qadiri

Yaponiyening okinawa wilayiti naha shehiridiki bir qisim yapon wetenperwerliri teshkilatining uyushturushi, yaponiye Uyghur birliki teshkilatining hemkarlishishi bilen mezkur sheherde bugundin bashlap üch kün dawamlishidighan "Sherqiy türkistan küni" teshwiqat pa'aliyiti resmiy bashlandi.

Qedirlik radiyo anglighuchilar, hazir anglawatqinglar, yaponiyening okinawa wilayiti naha shehiridiki hökümet binasining aldida élip bériliwatqan"Sherqiy türkistan küni"pa'aliyitining resmiy bashlan'ghanliqi heqqidiki teshwiq pa'aliyiti bolup, pa'aliyette yapon wetenperwerliri teshkilatining wekili tano xanim nöwette bashlinish aldida turghan mezkur pa'aliyetke naha shehiri xelqining qizghin qatniship bérishini tekitlesh bilen birge, pa'aliyetning üch künlük küntertipini bildurdi. Pa'aliyet jeryanida yaponiye Uyghur birliki teshkilatining re'isi turmuhemmet hashim söz qilip Uyghur xelqidin okinawa xelqige salam yolldi.

Naha shehiride élip bériliwatqan "Sherqiy türkistan küni" pa'aliyitining kün tertipi boyiche pa'aliyet teshkilligüchiler chüshtin kéyin sa'et ikki yérimdin tötke qeder okinawa hökümet binasining muxbirlarni kütüwélish öyide yaponiye metbu'atlirining bu qétiqmi pa'aliyet heqqidiki so'allirigha jawab bérish bilen birge, nöwettiki Uyghur weziyiti toghrisida toxtaldi.

Pa'aliyetning kün tetipi boyiche pa'aliyetning kechlik programmisi okinawa xelq'ara medeniyet almashturush merkizining léksiye sözlesh dersxanisida kech sa'et yettide resmiy bashlinip, yaponiye Uyghur birliki teshkilatining re'isi turmuhemmet hashim Uyghurlarning tarixi, medeniyiti we bügünki siyasiy weziyiti toghrisida qisqiche toxtaldi.

Léksiye sözlesh pa'aliyitining kéyinki qismi bolsa so'al - jawab sheklide élip bérilip, léksiye ishtirakchilirining Uyghurlar heqqidiki so'allirigha jawab bérildi.

Lésiye sözlesh pa'aliyitidin kéyin ziyaritimizni qobul qilghan kumota ependi bügünki léksiye heqqide toxtilip:"Xitay kompartiyesining sherqiy türkistanda 46 qétim atom bombisi siniqi élip barghanliqini anglap, mezkur atom bombisi sinaqlirining zerbisige uchrighan Uyghur xelqige tolimu ichim aghridi. Uyghur qizlirining éshincha emgek küchi süpitide öz yurtliridin mejburiy halda xitay ölkilirige élip bérilip, xitaylar bilen toy qilishqa mejburlinishidin ibaret bu paji'elik hayat kechürmishi méning xitay kompartiyesige bolghan nepritimni ashurdi" dédi.

Yaponiye özini qoghdash qismining chet'ellerde wezipe ötigen melum bir eskiri öz tesiratini bayan qilip:"Chet'el metbu'atlirida xitay kompartiyesining Uyghurlar üstidin élip barghan basturush siyasetliri toghrisida köp maqalilerni oqughan idim. Mana bügün öz quliqim bilen zulumgha uchrighan Uyghur xelqining wekilirining öz aghzidin bu paji'elerni anglap, Uyghurlargha qolumdin kélishiche yardemde bolush niyitige keldim" dédi.

Tarix tetqiqatchisi yamada ziyaritimizni qobul qilip:"Léksiyede déyilgen, xitayning Uyghur tilini Uyghur ma'aripidin siqip chiqirish siyasiti méni tolimu ejeplendürdi. Elwette, biz herketke kélip Uyghur tilining yoq bolup kétishige tedbir qollinishimiz we xelqara jem'iyetni bu mesilisige köngül bölüshke heriketke keltürüshimiz kérek dep oylaymen" dédi.

Naha shehiride élip bérilghan"Sherqiy türkistan küni" pa'aliyitining birinchi künidiki barliq programmilar axirlashqandin kéyin, ziyaritimizni qobul qilghan turmuhemmet hashim bu pa'aliyetning okinawada élip bérilish meqsiti heqqide toxtaldi.

Igilishimizche, naha shehiride bashlan'ghan"Sherqiy türkistan küni" pa'aliyiti tokyodiki xitay elchixansining küchlük diqqitini tartqan bolup, pa'aliyetning birinchi künidiki bir qisim programmilarni xitay elchixanisi yerlik hökümet da'irlirige téléfon qilip toxtitishni telep qilghan bolsimu, biraq yerlik da'iriler elchixanining teklipini qobul qilmay,eksiche pa'aliyet teshkilligüchilerning bixeterlikini qoghdashni kücheytken.

Yuqiriqi awaz ulinishidin tepsilatini anglang.

Toluq bet