Японийә уйғур җәмийити хитайниң йәкән вәқәсидики қилмишини әйибләп баянат елан қилди

Ихтиярий мухбиримиз һаҗи қутлуқ қадири
2015.07.27
yaponiye-dr-ghalip-mijit-2015.jpg Японийә уйғур җәмийитиниң әзаси доктор ғалип миҗит
RFA/Haji Qutluq Qadiri


27 - Июл японийә уйғур җәмийити тор бетидә йәкән вәқәсиниң бир йиллиқи мунасивити билән мәхсус баянат елан қилип хитайниң йәкән вәқәсидики қилмишини қаттиқ әйиблигән.

Японийә уйғур җәмийитиниң актип әзалиридин бири болған доктор ғалип миҗитниң билдүрүшичә,мәзкур баянатнамида хитайниң йәкән наһийәсидә өткән йили елип барған уйғур деһқанлирини қораллиқ бастуруш қилмишини әйибләш билән биргә, хәлқара җәмийәтниң бу ишқа арилишип йәкән наһийәсидә вәқәдә өлгәнләр һәққидә очуқ - ашкара тәкшүрүш елип беришини вә хитайниң буниңға йол қоюшини тәләп қилған.

Баянатнамидә йәнә, хитайниң уйғур елида елип бериватқан йәкән вәқәсигә охшаш вәқәләрдики қирғинчилиқ қилмишлириға қарита японийә һөкүмитиниң, җүмлидин хәлқара җәмийәтниң көңүл бөлүшини тәләп қилған.

Доктор ғалип миҗитниң билдүрүшичә, иккинчи дуня уруши ахирилашқанлиқиниң йәтмиш йиллиқи хатирилиниватқан мушундақ күнләрдә хитай һакимийити иккинчи дуня урушидин кейин уйғур, тибәт қатарлиқ милләтләр үстидин елип барған бастуруш һәрикәтлиригә хатимә бериш керәклики тоғрисида баянатнамидә бир қисим тәклипләр оттуриға қоюлған.

Нөвәттә, диққитиңлар бу һәқтә японийә уйғур җәмийитиниң әзаси доктор ғалип миҗит билән елип барған телефон сөһбитимиздә болғай.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.