Yaponiye Uyghur jem'iyiti xitayning yeken weqesidiki qilmishini eyiblep bayanat élan qildi

Ixtiyariy muxbirimiz haji qutluq qadiri
2015-07-27
Élxet
Pikir
Share
Print
Yaponiye Uyghur jem'iyitining ezasi doktor ghalip mijit
Yaponiye Uyghur jem'iyitining ezasi doktor ghalip mijit
RFA/Haji Qutluq Qadiri


27 - Iyul yaponiye Uyghur jem'iyiti tor bétide yeken weqesining bir yilliqi munasiwiti bilen mexsus bayanat élan qilip xitayning yeken weqesidiki qilmishini qattiq eyibligen.

Yaponiye Uyghur jem'iyitining aktip ezaliridin biri bolghan doktor ghalip mijitning bildürüshiche,mezkur bayanatnamida xitayning yeken nahiyeside ötken yili élip barghan Uyghur déhqanlirini qoralliq basturush qilmishini eyiblesh bilen birge, xelq'ara jem'iyetning bu ishqa ariliship yeken nahiyeside weqede ölgenler heqqide ochuq - ashkara tekshürüsh élip bérishini we xitayning buninggha yol qoyushini telep qilghan.

Bayanatnamide yene, xitayning Uyghur élida élip bériwatqan yeken weqesige oxshash weqelerdiki qirghinchiliq qilmishlirigha qarita yaponiye hökümitining, jümlidin xelq'ara jem'iyetning köngül bölüshini telep qilghan.

Doktor ghalip mijitning bildürüshiche, ikkinchi dunya urushi axirilashqanliqining yetmish yilliqi xatiriliniwatqan mushundaq künlerde xitay hakimiyiti ikkinchi dunya urushidin kéyin Uyghur, tibet qatarliq milletler üstidin élip barghan basturush heriketlirige xatime bérish kérekliki toghrisida bayanatnamide bir qisim teklipler otturigha qoyulghan.

Nöwette, diqqitinglar bu heqte yaponiye Uyghur jem'iyitining ezasi doktor ghalip mijit bilen élip barghan téléfon söhbitimizde bolghay.

Yuqiriqi awaz ulinishidin tepsilatini anglang.

Toluq bet