Yaponiye asahi shimbon géziti: shi jinping yéngi siyaset belgilep, qarshi küchlerni basturup, öz küchini namayen qilmaqchi

Ixtiyariy muxbirimiz qutluq
2014.03.07
Share on WhatsApp
Share on WhatsApp
yaponiye-xi-jinping-gezit.jpg Yaponiyedin chiqidighan “Asahi shimbun” gézitining 4-martiki sani
RFA/Qutluq

Yaponiyedin chiqidighan “Asahi shimbun géziti” ning 4 - marttiki sanida “Shi jinping hakimiyiti néme qilmaqchi?”, “Shi jinping hakimiyetke qarshi küchler we térrorgha yol qoymaydu” serlewhilik maqaliler bésilghan.

Maqalide 5 - mart küni shi jinping yitekchilikidiki hakimiyet 12 - nöwetlik xelq qurultiyi 2 - yighinini bashlaydighanliqini, shi jinping hakimiyiti öz obrazini tiklesh, öz küchini körsitish üchün xelq aldida ming tirishsimu, emma hakimiyet qatlimidiki yoshurun ajizliqlirining yenila ashkarilinip qiliwatqanliqini bildürgen.

Maqalide “Shi jinpingning arzusi tolimu igiz yerge ésilghan arzu. U, bu arzusigha yitish üchün tolimu köp bedel toleshke duch kélidu” déyilgen.

Maqalide shundaqla shi jinping hakimiyitining xitaydiki siyasiy öktichilerge, térrorluqqa hergiz yol qoymaydighanliqini ilgiri sürgen.

Yaponiye téléwizorliridiki shi heqqidiki xewerler
Yaponiye téléwizorliridiki shi heqqidiki xewerler

Asahi shimbun gézitide élan qilin'ghan mezkur maqalide shi jinping hakimiyitining xitaydiki chiriklik we parixorluqqa zerbe bérishte türtkilik herikette boluwatqanliqini körsitip, buning misali süpitide, xitay merkizi téléwiziye istansisining 9 - féwraldiki programisida körsitilgen gu'angdung ölkisining dunggu'en shehiridiki bir qisim méhmanxana we pahishixanilarning emeliy ehwali bayan qilin'ghan.

Maqalide xitay merkizi téléwiziye istansisining mezkur programmisidin kéyin, gu'angdungdiki yerlik hökümetning bu rayonda mexsus tekshürüsh élip bérish netijiside 18372 pahishxane bayqilip, 920 kishining qolgha élin'ghanliqini bayan qilghan.

Maqalide déyilishiche, shi jinping siyasitining tüp meqsiti bolsa, jem'iyettiki bu xil chirik hadisilerge zerbe bérish bolup, téxi yéqindila xitaydiki yer - zémin ministirliqidiki hoquqidin paydilinip para alghan 31 emeldar wezipidin qaldurulghan. Xu jintaw hakimiyitidiki 9 - numurluq erbab ju yüngkang bashchiliqida yüzdin oshuq emeldar iqtisadiy mesile sewebidin qolgha élin'ghan bolup buning ichide hetta bezi ministirlarmu bariken.

Maqalide “ Shi jinping 3 - ayning 1 - küni kunmingdiki weqege xitay kompartiyisi merkizi komitéti siyasiy qanun komitétining mes'uli méng jyenjuni özi biwaste weqeni tekshürüp kélishke ewetti. Shi jinping azsanliq milletler rayonini basturush üchün “Bölgünchi, térrorchi” dégen namlarni qollinip ularni qattiq basturdi. U, térrorgha qarshi turushni yolgha qoydi. U,hemishe sénkaku arili, jenubiy déngiz, déngiz - okyanlardiki xitayning igilik hoquq mesilisi qatarliq mesililerni otturigha kötürüp chiqip, dölet bixeterliki komitétini qurdi. Özi mezkur komitétning re'islikige saylandi. Bu komitétning tüp wezipisi az sanliq milletlerni basturush, döletler ara toqunushlarni hel qilishni meqset qilghan” déyilgen.

Maqalide yene shi jinping bu qétimqi xelq qurultiyida özining hoquqini we küchini toluq körsitidighanliqini bildürgen.

Maqalide shi jinpingning bu yil 1 - ayning axirida ichki mongghuliyide ziyaret bolghanliqini bayan qilinip “Xitayning axbarat wastiliri bu körünüshlerni qayta - qayta körsitip shi jinpingning xelqler bilen menggü birge turidighanliqini teshwiq qildi, buningdiki tüp seweb özining köyümchan, xelqlerning turmushigha köngül bölidighan xelqchil dahi ikenlikini namayen qilishtur” déyilgen.

Maqalide déyilishiche, xitaydiki milletler mesilisini tetqiq qilidighan, xitayning démokratiyelishishini yaqilaydighan bir qisim zatlarning qarishiche, shi jinping hökümiti hakimiyetning islahat qilinishigha qarshi bolup, ular namratlargha yar - yölek bolush arqiliq, özlirige bolghan qarshi küchlerni azaytishni meqset qilidiken.

Maqalide yene, bu qétimqi xelq qurultiyida shi jinping hakimiyiti yéngi siyaset belgilep, hakimiyetke qarshi küchlerni basturup, öz küchini namayen qilidighanliqini bayan qilghan.

Axirida ziyaritimizni qobul qilghan yaponiye kyushu uniwérsitétining doktor aspiranti muxtarjan abduraxman shi jinping hakimiyitining azsanliq milletlerge qaratqan siyasiti üstide öz qarashlirini bayan qilip ötti:

Awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet